مصر يا أجمل جنة فى عينا

إدعى المولى بعونه يعينا

ويقوينا ويخلينا إيد واحدة ضد ملاعينا

كتروا حوالينا الملاعين اصحى يا شعب فوقوا يا ملايين

شعب هناك عايش مستنى يقضى علينا فى غمضة عين

دمر غزة ويافا وحيفا دمر ياما فى فلسطين

واحنا الدور الجاى علينا  لو ماوقفناش منتبهين

اصحى يا شعب فوقوا يا ملايين

********

راح الكل فى ميـــــدان واســــــــع يهتفوا وينادوا التحـرير

دى كل لــــــــيل بيكون له نـهار ودى حــــــرية رأى وتعبير

لإصلاح أشياءنا المعــــــوجة ولبنا مصــــر وللتعـــــــــــمير

مشاكلنا ميــــــن غيرنا يقولها ببساطة نوجه ونشــــــــــــير

دى بطالة خنقتنا يا ريس ودى أسعار غالية وتحقــــــــــــير

فى المصرى بمعاملة رديئة من ساسة وقواد وسفــــــــــــير

راية فى ثورة إحنا رفعناها بس معاها نكون فايقـــــــــــــين

لجيرانا اللى هناك شايفنا بيحلموا ياخدوا ف مصر ســـنين

يرجعوا تانى يعيشوا فى سينا ياخدوا بلدنا ويشمتوا فـــينا

أوعوا تشمتوا فينا الشامت واللى كارهنا والحاســــــــــدين

اصحى يا شعب فوقوا يا ملايين راجعين لنا تانى الملاعين

********

ثور يا عذابنا وثور يا شبابنا

افتح بإديك كل أبوابنا اللى بقالـــــها سنـــــــين مقـــــفولة

خد خطوة وخطوة ورا خطوة  ثورتنا دى خطوتنا الأولـى

اللى معاها وبيها هانقدر نقطع إيــــــد كانت مســـــــــئولة

عن إفســاد فى بلدنا اتفشى وفســـاد ورشاوى وعمــــولة

موجـــــودة مابينا بتنــهبنا بتــاكل لحـــمنا زى الغــــــولة

بس فى نفس الوقت نحافظ بإدينا على مصـــــــــــر سـنين

نحميها من غدر الغادر من عدو متربص مــــــــــــن باكــر

عـــــــاش بيخطط ياما يرجـــــع سينا بكل مافيها الماكــــر

مشهور بمؤامراته وغدره خليكــــــوا دايما له صاحـيين

اصحى يا شعب فوفوا يا ملايين انتبهوا لغدر المـــلاعين