يا ولادى أنا جيتكوا بنادى يا صحاب الدين والهمة

يا عرب للوحدة أيادى تتجمع بيها الأمة

ليه فرقة وبعد أعادى فوقوا وصحصحوا م الغمة

فى إنجيلكوا وفى قرآنكوا وباسم جميع الأديان

اتحدوا بحبل الله كونوا للوحدة عنوان

مصر فلسطين مع تونس ليبيا وسوريا ولبنان

وجزاير ويا المغرب وعراق وكويت وسودان

أردن موريتانيا جيبوتى بناديكوا بعلو صوتى

فرقتكوا نهايتى وموتى صحوا فيكوا الإنسان

وينكوا يا أمة يا عربية يا عوب كونوا صرخة قوية

بتقول للظلم كفاية رافعة للعدل ميزان

بسماحة وصفو نفوس كونوا أخوة مدى الأزمان

كونوا صخرة جدار نبنيه نعليه وف أى مكان

نعلن كده بيه مبادئنا بنادى نقول حرية بشعار لا للطغيان

لا لضياع الأوطان   لا لهوان الإنسان

دم العربى فى الدنيا غالى ماهوش أتمان

ميت ألف رهان ومزايدة ونسب بتعلى الفايدة

وكلاب تنهش وضباع

ويهود مع خونة وعملا فى صفقات للحق اتباع

وأمة للسلم تنادى بسلام مش باستسلام

أفعالنا طريقنا لبكرة بكرة دى مايجيش يكلام

ولا غنوة جميلة نقولها ولا ضحكة الكل ينولها

بكرة محتاج إخوان

وحدة صف بتجمعنا ..... مليون فعل وله معنى

الوحدة وبس أمان

وينكوا وين الملايين ..... الدم العربى دى فين ؟

وين الأمة العربية الوضع بجد مشين

شئ مخزى وكله هوان

بصرخ فى شعوب عميان

أصرخ يرجع صدى صوتى يقوللى تاه العنوان

تهنا .... اتفرقنا ...... وضعنا على إيدين العدوان