باقي ايه ياوطن حكم اتحكم شعب نام 
وجوه قمقم انسجن
غيبوبه ماسكه سكته
راحت ضحكته
وضاع العلم
حلمه الكبير وفكرته ارض العرب تكون وطن
ضاع الوطن
ارضنا اللي ارتوت بدم الشهيد فحرب الكرامه 
كرامه عرب
بس ياخساره فين العرب
شعب اتجلد وانقسم واتفرق
اصحوا وفوقوا ياعرب
من اللي باع واللي خرب
واللي قتل ضحكه طفل في عمر الزهور
واللي مانع كلمه الحق تخرج للنور
واللي خلي ولاده يهربوا زي الطيور
زي السمك بيغرق في عرض البحور 
يمكن يلاقي هناك وطن
صهيون واقف علي الجبل
شايل سلاحه ومنتظر حلمه لازم يحققه
وفكرته ارض العرب لليهود وطن
الفكره هيا من هنا
وهبدا انا
وسلاحي قلمي فوق كتافي
عامل في قلبي ملحمه
اكتب حروفها من دهب
ياجيشنا حاسب ليخونوك
واوعي الفتن يدمروك
انت تحافظ علي الوطن
انت الامان والسكن
انت الامل
اخر امل
خايف في يوم يدمروه
باچندات قابضه التمن
ياجيشنا حافظ علي الوطن
هو اللي باقي من عروبه صابها العفن
رحيم أبو أنس البراهمى