#‏حته‬ خشب بايشة

و يوم ما تمل
اجري
وقرفص في زقر الركنة في حيطانك
ادفس يلا كل ما فيك في احضانك
احبس نفسك المخنوق
عد في عمرك المسروق
ومد ايديك علي جبينك
فتش في حروف اسمك
عن المخبوق
في اطيانك
عن العقدة اللي في سنينك
و افصل نفسك
عن المد اللي بيزقك
وغربل منه اي علامة
بتكون خيال جواك
وبتشكل حروف علة
ولعل
تطبش
تنجي م الامواج
اصل الموج ملوش ملة
هيحدف فيك
وحنينك
و الدموع في عينيك
حتة من خشب بايشة
مفيش لازمة
مهي عايشة
ومش عايشة
ولا حتي المصير حايشة
فلما تحس بالازمة
مين ينفعك ويشد
هيا وبس اغصانك
علي برك تطول وتمد
هتمسك فيك ومش هتكل
عمر ما في شدتك منك
اكيد هتمل
‫#‏محمد_صبري‬