(لسه بسأل تاني عنك)

وعيد علي نفسي السؤال
صحيح انتي اتغيرتي
ولا انتي سايقه الدلال
ليه بتقسي ديما عليا
وسيباني اشكي ضيق الحال
طب ريحيني حتي مره
واكدبي وجاوبي السؤال
نفسي أشوفك مره تانيه
شمس طالعه تدفي الغيطان
أو حتى طير في السماء
يبدر علي اﻷرض السلام
لسه بدور عليكي 
وسط الشوارع والميدان
لقيت الشوارع متألمه
والشروخ ماليه الحيطان
غصب عني بتكلم معاكي
والقلب دايب من زمان
يالي سقياني في هواكي
المر دايما في الكيسان
مش هي كانت برضو ثورة
وطلعنا فيها نهز الجبال
ولا ايه بس الحكايه
الحلم فيكي أصبح خيال