روّح بيتك
.............
اصل انا اكتر واحدة
فى كلامى بقول
عادى و مش فارقة
ادينى قاعدة مهمومة
من ظلم الايام
و بشتكى همى للورقة
نفسى افرح و بشدة
اصلى مفرحتش من مدة
و محتاجة افكر جديا
انى اتغير جذريا
محتاجة انسى حاجات فاتت
محتاجة انسى مشاعر ماتت
نفسى اتطمن للايام
و اعيش تانى فى هدوء و سلام
نفسى انسى انى
فى يوم حبيتك
نفسى انسى انى
ظلمت نفسى يوم ما اترجيتك
نفسى انسى انى
استحملتك كتير
على امل تعرف
انا اد اية حبيتك و هديتك
قلب مخلص بيحبك
و مش عايز غير ودك
و دة اللى خلاك
تلعب بمشاعرى و تزيد صدك
لحد كدة و بس
اقف عندك
بند المشاعر جبر
سوق الهدايا قفل
انا اشتكيت نفسى و اشتكيتك
كفاية كدة روّح بيتك
...............
بقلم عزة الشربينى