*** مسرح ايامك ***
***************
وكأنك كلك على بعضك
اراجوز هزاز
وكلام متبعتر ف سطورك
محتاج عكاز
وملامح وشك بهتانة
ف قلب الكراس
من غير احساس
حلمك صدىَّ جوه البرواز
ومشاعرك عيرة وتكشيرتك ..
تمثيل واضح ..
والفعل الفاضح..
لو حلمك يطلع الغاز
كومبارس ف مسرح ايامك
دورك تخاطيف ..
وحياتك زيف كدب وتخاريف
والعقل مجاز
مهموم بتحايل ف الضحكة
ودي عايشة الدور
بتدور وتعاكس في شفايفك ..
تلاقيها ازاز
بتسك بيبان الروح تنزف
في طلوعها الآه
فيكون الموت بالنسبالك ..
لو يوم جالك
هو الاعجاز
يا تعيش في تابوت الخوف والقهر
كده زي الضل..
والنور بيقلّ ف قلب الكون
وتلاقي ضلام ايامك فاز
وانت البلياتشو المتجرجر
ف ديول الحزن.. ومتطوح
متسوح ورا ضحكة يتيمة
تغازلها وتقول انجاز
مع ان الضحكة المغشوشة
طلعت فالصو
وقت اما يكون دمع عيونك
هو ال متعاز

أعجبني