اهداءالى اطفال غزه
==============
ظلام الليل
======
بقلم الشاعر /احمد ابراهيم
================
ظلام الليل سواد موجود على بابى
وقلبى حزين
وعيدى جريح انا الطفل اللى ماتت فرحته منه
وخدها الريح
انا الشايب وانا الدبلان على عودى
وقلبى جريح
ظلام الليل قمر مخنوق ومش ظاهر ومش باين
لليلى نهار
انا المكسور هنا قلبه وتحت القصف ووسط النار
حياتى دمار
لكن صامد ولا بنهار برغم طفولتى لكن صامد انا جامد
وحامد ربنا حامد
ولا خايف من الاخطار عدو خاين عدو غدار لكن صامد
ولا بنهار
ومهما الليل هيطول هترجع شمس وتنور
هنا فى الدار
وترجع بسمتى ليا ويرجع ليا
الف نهار
انا الطفل اللى عاش يبكى
على حالو
بدمع حزين فى موالو ولا قالو
فى يوم مالو
============
بقلم الشاعر/احمد ابراهيم
