جارى التحميل
استخدم زر ESC أو رجوع للعودة
===(تاني ياحزن تاني)===
بقلم الشاعر\
فرج برعي ابراهيم
=============
عامي
*****
تاني ياحزن تاني
مصعبش عليك أحزاني
هو انت ليه بس فكرني
مش عايز ليه كده تنساني
=============
أنا لسه بلملم في جروحي
وياعين متشكي ولا تبوحي
يادنيا الي راحو غالين علينا
وما تشمتيش الناس فينا
=============
كان هو كل حاجه لينا
كان هو نور وعنينا
يافرحت عمري الي راحت
وياحزن سنيني الي جيا
=============
كان في الدنيا كل أمالي
كان غنوتي ووتر الحاني
يارب خد بيدي وقدرني
علي فراق الحبيب صبرني
=============
يارب مني أنا بدعيلك
أبني وحبيبي أنا بهديلك
مات بالغدر ياربي شهيد
وأنت شايف ومكنت بعيد
=============
بعد ما كبرتو وعلمته
يارب ليك أنا سلمته
يارب صبرني علي فراقه
وأحفظ لينا كل اصحابه
أعجبني
المصدر: (تاني ياحزن تاني)بقلم الشاعر \\ فرج برعي ابراهيم
