البُعد ليه
البُعد ليه كان بالسنين
والهجر ليه ولا الأنين
بَعدك حبيبى هعمل ايه
وقلبى ده هيكون لمين
ليه الدموع فوق الخدود
وليه بتبنى بينا السدود
الفرح كان من بختنا
والحب كان مالوش حدود
ضيعته ليه من بين ايديك
ومنعت ليه نظره عنيك
قلبى اللى حبك من زمان
ما صعبش قلبى ف يوم عليك
ايه يا حبيبى محيرك
فى ايه جديد ومغيرك
بعت ليه وانا هعمل ايه
ومين يا قلبى يصبرك
هشكى لمين من هجركو
وهقول لمين عن غدركو
كان ذنبه ايه تقسوا عليه
قلبى اللى كان بيحبكو
كلمات / رضا ابو الغيط
