ساكن ف قلبى ألبوم صور
فتحته أشوف ايه اللى فيه
شافت عيونى ف الصور
طفل ودموعه ف عنيه
عن السبب سألته ليه
وفين كمان أمه وأبوه
بكى الغلام بدموع عنيه
وحكالى ليه هما سابوه
قال الغلام أبويا مات
عشان عيون ست البنات
سألته مين قال من سكات
مصر عشانها أبويا مات
والأم كانت ف الميدان
زى الكتير عاوزه الأمان
ضاع الأمان ويا الزمان 
غدر الخسيس بيها وخان
بكيت أنا بدمع العيون
والقلب سكناه الشجون
ايه ذنبه طفل تعذبوه
من صغره ترموه ف السجون
طفل وكان كل مناه 
انه هيعيش الحياه
سكن الولد ألبوم صور
ونفسه فى طوق النجاه
كلمات / رضا أبو الغيط