جرح السنين

عاميه

بقلم الشاعر محمد العمده

جرح السنين فيا علم

وسابونى فيه خلانى

تركونى بهمى بتالم

قالوا موت من تانى

انين قلبى طفح وسلم

لدمع عينى اللى وجعانى

وكان كل الى يعدى يسلم

اصبحوا ماشيين مالكين الامانى

ولاد العم والخال والكل يتغمغم

لما يمروا بالصدفه من قدامى

ليه يازمن تيجى على وتكمل

وانا اللى كافى خيرى وف حالى

بنتظر لحظه طلوع الفجر واكلم

عصافير غردت فوقى بالاغانى

بحس فى تغريدها صحبه وعِلم

الله اللى الكل يعرفه من زمانى

برتاح والله ف حالى وببعد واتعلم

انه الوحده دى بجدوالله عنوانى

بلاش اقول على الناس واتكلم

اقصد بطلت اذكرهم على لسانى

خلاص انا تعبت منهم ومتالم

خلاص نسونى حبايبى وعنوانى

كرهونى فى نفسى وبقيت اكلم

نفسى قبل ما انساهم من زمانى

ولو سالتنى ليه كده ابكى واتكلم

واقول دول ناس كانوا من حزمه خلانى

وزى مقال جدى اللى يوقع يتعلم

الدنيا مدرسه يا حفيدى مألمانى

للان اشكى منها ولازم اكمل

مشوار حياتى زى اللى مات ووصانى

يبقى انا لازم منهم اتعلم

انه دروس الدنيا مش مكفيانى

وكل ما اتعلم درس اقول خلاص واتكلم

مع غيرى واقول انا بس مفيش تانى

للاسف دا انا اللى لسه من الزمن بتعلم

جرح السنين

للشاعر محمد العمده

إلغاء إعجابيإل