قصيدة ( آلام الانتظار )
بقلمي / هدى سيد
٢٠١٦/٥/٢٥

تغيب تغيب
وتروح بعيد
عليا أستاناك أنا
وقت أما ترجع
تلقى قلبى ف
الإنتظار
وحضنى مفتوح لك
بكل شوقه ولهفته
بإختصار
على خدى حاطة
إيدى انا
قاعدة بأعد ف
الثوانى والساعات
واصبر قلبى من سكات
وأول ما ألمح حضرتك
أنسى أنا كل اللى فات
أنسى آلام الإنتظار
أنسى المرار
وافتح لقلبك باب
لسكة مغفرة
وافرش لحبك سكة
تملاها الورود
واقفل ببان عتاب
وكلمة ليه كده
واستقبلك بالحب
دايما والورود
حاضر أنا
رهن الإشارة حضرتك
وروح وغيب إبعد كمان
ولما ترجع لى هنا
هاكون لك حضن
شوووق حنااان
ولازم أرضى حضرتك

ومشاعرى رهن محبتك