‫#‏ارتجال مشترك مابين ضياء مروان وعاطف بيومى 
—ضياء
هموم الدنيا مليانى 
وعايش فيها وحدانى 
سكن الهم ف قلبى 
مين قاله على عنوانى 
—عاطف
هموم الدنيا تعبانى 
وليل ونهار على بابى 
تخبط فخاف افتح 
كفايه اللى سكنانى 
مانعه الفرح ف قلبى 
ورافضة تكون مهجرانى 
—ضياء
الفرح ماشى وسايبنى 
وف بعده الدنيا ساده 
لو يجى يوم حاببنى 
راح اكون تاجر سعاده 
__عاطف 
الفرح عمره ما كان ليا
ودموعي هى عنوانى
اما السعادة ليها ناسها 
والحزن أصله علشانى 
هموم الدنيا بقت فيا 
زى ماتقول موعدانى
__ضياء 
انت موعداك الهموم 
وانا ف بحرها غرقان 
كان نفسى اتعلم العوم
طلعت قدامها جبان
يا بال ارتاح لو يوم
ولا اكدب واقول فرحان
__عاطف
على الرمله روحت قاعد
راح موج البحر رافضنى
قولتله يابحر انا ليا معاد 
قالى همومك نالت غضبي
—ضياء

يا بحر يا غضبان 
سفينتك امتى ترسى 
لا شايف فيك الامان
ولا قلبى ليها مرسى
لكن انا هستحملك 
وهكون انا الطوفان
ولو انت بحر هموم
ف انا من بنى الانسان