................. اخترت ابعد ...........
انا اللي اخترت ابعد عنك
علشان بحبك يا عيوني
اخترت تاني اتوه منك
مهما عيونك تظلمني
ه------------------------
اخترت اقصر المشوار
وانكوي بنفس النار
وحياتك كان اصعب قرار
سكين في قلبي بيألمني
ه------------------------
اخترت ابعد وزيادة
وحبك في القلب عبادة
سقاني غرامه ودي شهادة
منه لله اللي حارمني
ه-------------------------
اخترت ابعد واداري
وعامل نفسي مش داري
ادعيلي اكمل ف قراري
والله حبيبي غصب عني
ه------------------------
هبعد وانا شايلك ع الراس
كلك ادب كلك احساس
يا عقد لولي مشغول بالماس
هبعد ولا ترعلش مني
هبعد ولا تزعلش مني
هبعد ولا تزعلش مني
