يا وطني ليه الغربه وخداني......
أعيش فيك وبرضه الغربه ساكناني
أضحك والضحكه ما اسمعهاش .....
أبكي والدمعه ما الحقهاش ........
يكونش بكايا مش مسموع لخلاني...
يكونش ضحكي دموع وده حالي ....
يكونش ياناس أنا مدبوح ومش داري
أكيد الدم إللي على أرضي بقى مسموح
قالولي سافر يمكن تلاقي علاج للروح
سافرت ونفسي وخداني وكلي جروح
غريب عايش على أرض غير أرضي....
ووشوش غريبه تزيد غربتي وتزيد غلبي
أبيع الغربه بالغربه .......................
ما عادش ليا غير مطلب...................
إن راحت هناك الروح .. خدوني لبلدي يا أخواني
وفي تراب بلدي لململو ا سنين غربتي .......
لملموا دموع الفراق والقلق وخوفي ودنيتي
بحب بلادي وإن راحت يا اخويا الروح ........
وانا صاحي وانا ميت دي روح الروح .........
أكيد نفسي هاتلقى الراحه في حضن الأرض
وكان أملي أعيش فيها واصون العرض ......
رجعتلها أكون مطعم لدود الأرض .............
