#المبدعون_العرب
مشاركتي (الخامسه) علي تويتر #هشتاج
اهداء الي اطفال الحجاره في فلسطين الحره...من ديواني محاكمة ضمير
********************
( صوت الحجارة)...... بقلمي / رأفت يوسف
.
هُس خالص أرحمونا بالسكوت
خلي صوت طفل الحجاره
هو دايماً أعلي صوت
بُص للصوره تملي وأوعي منظرها يفوت
مين هايقدر يلغي صوته
قام وشق جدار سكوته ،
في كل حته ياشجاع واصلني صوتك ..........
فيك جساره شعب كامل
يالي سطرت بكفاحك ملحمه
وسط أُمه كفاحها خامل
تسلم الإيد العفيه
يسلم الحجر اللي ماسكه بالأنامل
مني ليك مليون تحيه
يا اللي صدرك أقوي م النار والبارود
علم الدنيا بحالها
يعني إيه معني الصمود
حامي أرضك ويا عرضك
علي الحيطان
في القدس يابني تاريخ جدودك .........
حب الوطن صحاك وقمت في عز نومك
إنتفضت ، مليت كفوفك بالحجاره
قُلت بلدي تاريخ جدودي
مش هاخاف لو حتي مت
أنسي نفسي ولا أنسي يوم أرضي وحدودي
كان سلاحك الحجاره
رغم إن رصاص مقابلك وسط صدرك
بس حاملك ع الصمود حب الوطن
وقولت روحي مش خساره وذاد صمودك ...........
تحيا كل تراب بلادي
حبه حبه أبوس ترابها
صوت ضميري بالحجاره راح ينادي
حلم يترجاه شبابها
لو هاموت ع الأرض مش هانسي وجودها
دمي يرخص للوطن علشان ولادي
وكل نقطه دم فيا تشهد
أرضها وعمري عاشقها ،
مين يحب القدس زيي
دمي يرخص يبقي ميه بروحي دايماً راح أصونك ...............
إشهدي ان حبي ليكي كان حب زياده
مش هاسيب أرضك في أيدهم
كل يوم فيه مواجهه للصهاينه
كل يوم علشان ترابك راح يكون فيه أنتفاضه
مش هاسلم لو هاموت برصاص عدوي
مش هاسلم دمي فاضل
ولو رحلت راح يعلم
إبني عندك برضه زيي
دمه دمي وقولتله مش راح يفوتك ...................
مين ياغاليه عاش ماحبك ،؟
مين مايتمني يزورك وتحمله في الدنيا أرضك ؟
وعد مني
تكون حجارتي رصاص بيقتل في الصهاينه
لحد روحي ماتفارقني
بين فؤادي هاعيش وصاينك
لو رحلت لدنيا تانيه
روحي فاضله فوق سماكي
تملي هايمه بطول حدودك ........................
لسه باقي لسه وطنك جوه قلبك
حبه فاضل ، عشت عمرك للتراب أنسان مناضل
مين هايكسر فيك شموخك .
مين هايقتل حب للقدس اللي عاشت جوه روحك .................
مش هايقدر أي حد يكسرك في التاريخ
أي حد راح يشوفك يعرفك
عشت حر لو بنولك ألف سور
ولو في أسرك غموا عينك
في ظلامك حب بلدك يبقي نور
وراح تُمر
لون تراب بلدك دا لونك،،،،،،،،،،،،،،،،،،،،،،،،،،،،،،،،،،،،،،،،،،،،،،،بقلمي/ رافت يوسف
