حب عمري
×××××××××××××××××××
من بين الكون دا كله
حبيتك إنت ليه
سيطرت عليه كلى
وقلبي سكنت فيه
وعيونى باتت صاحية
ورمشي النوم جافيه
مشتاق لنور عيونك
ييجي ينور لياليه
وحضن دافي منك
أنسى شقايا فيه
ضمنى لحضن قلبك
خد قلبي ولف بيه
وريه سعادة الدنيا
فى حبك قد إيه
سعيدة عشان بحبك
حب حلمت بيه
حب اشتاق له قلبي
وياما دور عليه
لقاه لما قابلتك
شافك هو بعينيه!!!
شاور عليك وقالي...
وهبت حبي ليه
بصيت على قلبي فجأة
لقيت حبك ماليه
قلت معذور يا قلبي
سحرك بنور عينيه
قالي مش بس عيونه
دا شيئ لو تعرفيه
هتلاقي سعادة الدنيا
قلت يا قلبي إيه ؟؟؟؟؟
قالي ...بحبه....بحبه
ومش هاعيش إلا بيه

ب ح ب ك يا حبيبي
×××××××××××××××
كلماتى /هدى دراز