أسد جريح
بصراخ يصيح
ودموعه نازلة زى المطر
أدام عيونهم شكله فصيح
وهوا قلبه بينفطر
الكل يهيبه
لأنه صريح
وغضبه دم بيتعصر
أسد عنيد
عزمه حديد
طول عمره حقه بينهدر
اتغدر بيه لأنه نبيل
عايش بيحمى قلوب حجر
غرقان فى دمه
ومين يهمه؟
تعب خلاص من البشر
قفصه الحديد
صار صفيح
مكتوب عليه
.
.
#أسد _ جريح
.
.
الناس تذوره تبكى عليه
سنانه وقعت بين ايديه
جرحوه ناس بجد ظالمة
ذبحوا كبرياؤه بسكينة تلمة
.
.
صراخه علىَ فى الضريح
.
#أسد _ جريح
.
أسد جريح ورا القضبان
إحساسه صريح
وشه غير باقى الوشوش
يبانلك صعران
لكنه ف الحقيقة غلبان
.
.
عيونه بيادر رماد
خافية ورا الأجفان دموع
وقفته سند وعماد
هياجه لهب يقيد ألاف الشموع
.
أسد من العصر المليح
.
#أسد جريح
.
.
شايف أرانب من بره البرواز
بتتقفز على شتى القلوب
شغالة بهزاز
زمتها ازاز
جشعها مللى البزاز
الأصل فيها انعدم وماله أساس
.
أسد من زمن السعادة
لصفوف المجاريح
.
#أسد _ جريح
.
.
حاسدنى الناس وحنيتى ما فيها جمال
فاكرنى بغدر وبخون لأنى خلى البال
أحوال الأرانب مايطمنش
بيداروا كرامتهم فى هاتف جوال
وشوشهم إتنجست بطين صلصال
حالهم غير الحال
لا سامع منهم قوالة ولا حتى رنة خلخال
آه ياشيال الحمول.. ياحمال
آآه الله يرحمك ياخال
الله يرحمك ياخال
.
أسد ما يهز زئيرك ريح
.
#أسد _ جريح
.
.
ما تلوموش دمعتى المخفية
ماتلوموش صرختى المدوية
ومهما أكون الأقوى
فأنا الطيب فيكم
أبو الحنان ومنبع الحنية
ماتلوموش قسوتى وانقضاضاتى المبتلية
أنا الحكيم صاحب الضربة القوية
.
أسد بلا تصريح
.
#أسد _ جريح
.
.
ورا القفص عرينى متر فى متر
ثروتى لحم رخيص وطبيعتى شرس عنيد
فى ملازمتى حارس
وعلى المسرح يبان وشى فى التتر
لاشايف فيكم عزيز وبينى وبينكم سور حديد
أرانب تعالب
الطمع فيكم غالب
كل حاجة فيا صريحة
مابخفش !!!
وانتوا بتتخفوا ورا الستار
ف قوالب
الموجب فيكم سالب
.
أسد نفاقه ميح
.
#أسد _ جريح
.
.
أنا الأسد واقف ثابت
وذيلى حواليا محاوطنى
أنا الملك
أنا الملك المالك
ﻻعمرى هعيش ذليل
ومبدأى دايما يافت
أنا الأسد
صامد كالوتد
إلهى واحد رب الصمد
ضحيتى الظالم والأرنب السعيد
وﻷنى بصيح ومخالبى بتطيح
فأنا
#أنا _ #اﻷسد _ #الجريح
.
.
قصيدة .. أسد جريح .. أحمد جبر
