وكام كلمه في حبك إتقالو
وكام نبضه في القلب إتشالو

كام بالظبط أنا مش عارف
لكن قلبي في حبك أتغير حالو

وفي حبك قلبي و روحي في تحالف
أول ما قلبك بالشوق جالو

ماسكه بأيده وقام حالف
يتحدي بحبك أي ظروف

وتفضلي في القلب و علي البال
ولا يصبح حبك منه في يوم محذوف

دا الحب في قلبي جرئ من نظره بيتقال
ولا عمره في لحظة عرف خوف

دا الصبر في حبك داب منه حبال
ولسه في حبك قلبي أنا ملهوف

وكل الكلام في حبك أتقال
ولسه برضو أنا عندي سؤال
أزاي الحب في لحظه يغير حال؟

بقلم/ كريم الأسكندراني
29/4/2016