أقدم لكم اليوم موهبة روني خالد
خواطر روني
خلاص الشعر شاب..... والظهر مني اتحني
وبقالك يابني زوجه .....وبقت أمك حما
اتهنا وعيش معاها لكن ماتنسنيش
خليني اشوفك دايما.... علشان اقدر اعيش
وإن كنت مزهقاك..... سامحني ماترمنيش
عيد ذكرياتك بيا ......وعزيني رف في نيش
لو تعمل ايه هحبك..... ومسير يجيلك ضنا
وتعيش معاه سنينه .....ويشوف معاك الهنا
يكبر والعمر يجري .......وتكون مكاني هنا
تستني دعوه مني....... لكن ماهتلقانيش
وتلاقي نفسك ساكن برضو في نفس النيش