محلاها عيشة الفلاح
××××××××××××××××××××××××

محلاها عيشة الفلاح
عيشة شقا ورغم الكفاح
كلها هنا وسعد وأفراح
××××××××
البيت فى وسط الفدانين
وشبابيكه فاتحة ع الناحيتين
والهوا صافي وشمس دافيه
وشجر التوت والنخلتين
وحصيرة خوص عليها المساند
والزير وجنبه القلتين
والفرن والع من الفجرية
وكل واحده جايبة رغيفين
و الحليب الصبح صافى
وحتة جبنة تملا العين
وأم محمد قامت بدري
وندهت على أم حسين
ودية بتساعد ديه
ومفيش فرق بين الدارين
البيبان من الصبح فاتحة
والعيال ع الغيط سارحين
بال صافي ونفس راضية
والخير جايبينه وجايين
شكل الخير فى الأرض يفرح
محلاها عيشة الفلاحين
يا رب بارك لهم فيها
واكفيهم يارب شر العين
×××××××××××××××××××
من واقع عيشة الفلاح
بقلمي/هدى دراز
25/4/2016