((((((قصيده امى)))))))))))))
لما قالوا امى حامل
والجنين بقى عمرة شهر
ساعتها قامت امى تبكى
والدموع كدة زى نهر
نازله تجرى من عنيها
من الفرح اصلة ماليها
وفجاًة احساس الامومة فيها اتولد
مع انى لسة جوة منها
ولسة ما صبحتش ولد
ورغم كل الامها امى
واقفة تدعى ربها
يارب يحفظ ابنها
ومرت شهور الحمل
وامى جواها الامل
تكمل الصورة اللى فى خيالها وتترسم
وفتحت عنيا على الدنيا
وامى بتبوسنى فى عنيا
وصوت جميل ينده عليا
ولو تعبت فى يوم شويه
تفضل سهرانه من خوفها عليا
وكل ما اكبر حبه حبه
امى تملاها المحبه
وازيد غلاوه عندها
اصلى حته منها
فرحى يسعد قلبها
وحزنى يزود همها
امى انتى روحى ونن عينى
وقت خوفى تطمنينى
وبالامان بتحسسينى
ولو غلطت بتغفرليلى
حبى ليكى كل يوم عمال يزيد
يالى سكنة جوه قلبى
وجوه روحى وفى الوريد
قلبى بيقولك بحبك
اه فخوره ان انتى امى وانى بنتك
امى نعمه ربى ليا
اغلى حاجه فى دنيتى ونور عنيا
امى قلبك من دهب
امى سبحان من وهب
بقلم / نائلة سامى