مابقاش هناك .........!!
ـــــــــــــــــــــــــــــــــــــــــ

يانعيش بقي بشوية حب
يانرحل بقي وننسي الحب
الدنيا حوالينا بتدور
واحنا فيها مالناش دور
بندور ع اللي راح
نمسك بإيدينا جراح
نحضن في همومنا
ندفن روسنا في تراب
ودايما نظهر أغراب
المستقبل قدامنا
وليه نمسك في سراب
كنا زمان أحباب
والباب جنب الباب
اللقمة ساعات نقسمها
الدمعة كمان نذرفها
علي أي واحد موجوع
ماكنش بينا جوع
فتفوتة كانت تكفينا
العيب ما يبقي فينا
كنا صغار وكبار
العيلة كانت تحمينا
دخل الطمع وسطينا
العقد بقي مفروط
الكلام أصبح مشروط
العيال بقالها صوت
كبر بعد ماكان مخفوت
سموها أسماء كتيره
حرية مرة وسيرة
وتخلف جوه العيلة
مابقاش هناك اهتمام
لا بالود ولا الاحترام
ــــــــــــــــــــــــــــــــــــــــــــــــ
بقلمي / محمود مسعود ( عامي ) 16/4/2016م