قلبي ل حبيبي

من بين كل البشر انتي اللي قلبي اختارك
وسكن سواد عيونك رغم بعد ديارك
وحلمت ب بكرة اجمل وانا في مشوارك
ولما فكرت ابعد ذقت في البعاد نارك
ورجعت ومعايا الندم اكمل باقي حوارك
وراجع اقول اعتذار سبقني اعتذارك
وفجأة الاقي المرض سبقني وزارك
قلبك مني اتوجع في ليلك ونهارك
اه لو كنت السبب اعيش على مرارك
وابكي بدمع العين وللدنيا اكون تارك
اسألي قلبك مين في قلبك شارك
وصان ودك وعشقك وكتم كل اسرارك
قلبي انا اللي عشقك واختارك
وادعي ربي يصونك وتكملي مشوارك
وترجعي بالسلامة تنوري دارك
وتعيشي احلى دنيا واشم ازهارك
وترجعي بسمة مرسومة على جدارك
واحط قلبي ادامك وخدي بعدها قرارك
تسامحي اللي كان السبب وزود نارك
وتعيشي معاه الامل وتختاريه زي ما اختارك