(مش هكتب شعر تاني )
انا مش هكتب شعر تانى
ولا خواطر ولا حتى اغانى
بسبب الشعر خسرت اصحابي
صاحب غار والتاني عادانى
ناس كتير ياما زعلت مني
وف اللي بعد عني ونساني
من غير ما أعرف ايه الأسباب
والأفكار ف دماغي قتلاني
انا مش عايز ارجع اعاني
أبكى ابيات شعرى باحزاني
قصيده تخلي الناس تهتف لي
وقصيده تبكي الكل علشاني
بسبب قصيده قرايبي باعوني
وقالوا عليا إني اناني
ذنبي ايه يا ناس عايز افهم
من الحزن دمعة عينى كاوياني
انا هدور جوايا على نفسى
يمكن ألاقي ذاتي وكياني
كل ما افكر ابطل شعر
أرجع أحن له ف ثواني
الشعر خلاص ملك احساسي
ف كل كلمه ينطقها لساني
وكأنه أصبح حته مني
زي دم بيسري ف وجداني
ف كل همسه أهمس بيها
بين الحروف بلاقي مكاني
مع كل نفس داخل جوايا
افكاري ديمآ ليه واخداني
وقلمي بيرقص بين صوابعي
حروف فرحه ديمآ شاداني
بين السطور يجمع كلماتي
يكتب فرحي مع احزاني
يكتب قصة حب جميله
أو أفكار جوايا شغلاني
يكتب ألمي ومعه تعبي
وحرماني وكرهي لزماني
☆☆☆☆☆☆☆☆؛
مبروك علوه
