كأني بعيد😢
كان الخوف
سكن في وريد
كأني غريب
وطعم الفرح بقى مالح
وقلبي شريد
ودمع عيوني بيقاوح
مع التنهيد 
وعامل نفسي قدامهم
كأني حديد
وإيه الدنيا في عنيا
ومين الناس
كلام م الأصل كان فارغ 
ملهش اساس
وعشت الكدبه م الاول 
عشان صدقت
وعداد عمري
بيراجع معايا الوقت
وعشت لمين
عملت لمين
وكله اكيد فيوم زايل
ويوم الدين هنتقابل
لكن ناسين
كتابي يمين؟ 
ولا 
شمالي راح تاخده
بدمع العين
يا قلب حزين
وإيه وجعك؟ "
وإيه خدعك
في دنيا.. 
في دنيا
ناسها كانوا زايلين!