ﺍﻧﺘﻮﺍ ﻓﺎﻛﺮﻳﻦ ﺷﻨﻮ؟ . • ﻋﺎﺭﻓﻴﻦ ﺑﻜﺮﻱ ﺍﻟﻤﺪﻳﻨﺔ ﺿﺮﺏ ﺣﻜﻢ ﻣﺒﺎﺭﺍﺓ ﺍﻻﻫﻠﻲ ﺷﻨﺪﻱ ﻭﺍﻟﻤﺮﻳﺦ ﻓﻲ ﻣﺪﻳﻨﺔ ﺷﻨﺪﻱ ﻟﻴﻪ؟ . • ﻋﺸﺎﻥ ﺍﻟﺤﻜﻢ ﻗﺎﻝ ﻟﻴﻪ ( ﻟﻮﺯﺍﻥ ) . • ﻟﻮ ﻋﺎﻭﺯ ﺗﺒﻮﻅ ﺍﻋﺼﺎﺏ ﺍﻟﻤﺮﻳﺨﺎﺏ ﻗﻮﻝ ﻟﻴﻬﻢ ( ﻟﻮﺯﺍﻥ ) . • ﺍﻟﻮﺍﺣﺪ ﻓﻴﻬﻢ ﻟﻤﻦ ﻳﺴﻤﻊ ﺍﻟﻜﻠﻤﺔ ﺩﻱ ﻟﻮﻧﻮ ﺑﻴﻘﻠﺐ . • ﺍﻟﺸﻘﻠﺒﺔ ﺍﻟﺒﻌﻤﻞ ﻓﻴﻬﺎ ﺑﻜﺮﻱ ﺍﻟﻤﺪﻳﻨﺔ ﺍﻻﻳﺎﻣﺎﺕ ﺩﻱ – ﻓﺎﻛﺮﻫﺎ ﺑﺘﻤﺮﻗﻮ ﻣﻦ ( ﻟﻮﺯﺍﻥ ) . • ﻭ • ( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ) . • ﻣﺒﺎﺭﺍﺓ ﺍﻻﻣﻞ ﻣﺎﺷﻰ ﻟﻴﻜﻢ ﻋﻠﻴﻬﺎ . • ﺑﻜﺮﻱ ﺍﻟﻤﺪﻳﻨﺔ ﻗﺎﻳﻞ ﻟﻮ ﺍﻟﻤﺤﻜﻤﺔ ﺍﻟﺮﻳﺎﺿﻴﺔ ﺷﺎﻓﺖ (ﺷﻘﻠﺒﺘﻮ ) ﺩﻱ .. ﺗﻘﻮﻡﺗﻔﺘﻜﺮﺍﻟﺰﻭﻝ ﺩﺍ ﻣﺎ ﻣﺴﺆﻭﻝ ﻋﻦ ﺗﺼﺮﻓﺎﺗﻪ . • ﺍﻟﺰﻭﻝ ﺩﺍ ﺣﺎﺟﺎﺗﻮ ﻛﻠﻬﺎ (ﻣﺸﻘﻠﺒﺔ ) . • ﺍﻧﺎ ﺑﺠﻴﺐ ﻟﻴﻜﻢ ﺳﻴﺮﺓ ( ﻟﻮﺯﺍﻥ ) ﻳﻮﻡ ﻣﺒﺎﺭﺍﺓ ﺍﻟﻬﻼﻝ ﻭﺍﻻﻣﻞ .. ﻋﺸﺎﻥ ﻋﺎﺭﻑ ﺍﻟﺴﻴﺮﺓ ﺩﻱ ﺑﺘﺠﻬﺠﻪ ﻧﺎﺱ ﺍﻟﻤﺮﻳﺦ . • ﻭﻋﺸﺎﻥ ﻋﺎﺭﻓﻜﻢ ﺍﻣﺲ ﻗﻌﺪﺗﻮ ﺗﺤﻠﻤﻮﺍ ﻓﻴﻨﺎ . • ﻭﻓﻜﺮﺗﻮﺍ ﻓﻲ ﺍﻟﻤﻤﺘﺎﺯ . • ﺍﻟﻤﺮﻳﺨﺎﺏ ﻋﺎﺷﻮﺍ ﺷﻮﻁ ﺍﻭﻝ ﻧﻤﻮﺫﺟﻲ . • ﻓﺮﺣﻮﺍ ﻭﺍﻓﺘﻜﺮﻭﺍ ﺍﻥ ﺍﻟﻬﻼﻝ ﻓﻲ ﺍﺣﺴﻦ ﺍﻟﻈﺮﻭﻑ … ﻟﻮ ﺑﺎﻟﻎ ﻛﺪﺍ .. ﺑﺘﻌﺎﺩﻝ . • ﻛﻤﺎﻥ ﻓﻲ ﻓﺮﻳﻖ ﺑﻌﺪ ﻣﺎ ﻳﻜﻮﻥ ﻣﺘﺄﺧﺮ ﻓﻲ ﻋﻄﺒﺮﺓ ﻭﺍﻣﺎﻡ ﺍﻻﻣﻞ ﺑﻘﺪﺭ ﻳﺘﻘﺪﻡ . • ﺑﻘﺪﺭ ﻳﻨﺘﺼﺮ . • ﺩﻱ ﻣﺎ ﺑﻌﻤﻠﻬﺎ ﺇﻟّﺎ ﺍﻟﻬﻼﻝ . • ﻓﻲ ﻋﺎﺻﻤﺔ ﺍﻟﺤﺪﻳﺪ ﻭﺍﻟﻨﺎﺭ .. ﻣﻤﻜﻦ ﺍﻟﻬﻼﻝ ﻳﺘﻘﺪﻡ ﺑﻌﺪ ﺍﻥ ﺍﻧﻬﻰ ﺍﻟﺸﻮﻁ ﺍﻻﻭﻝ ﻣﻬﺰﻭﻣﺎ . • ﻭﺍﻟﻠﻪ ﻧﺤﻦ ﺫﺍﺗﻮ ﺷﻜﻴﻨﺎ . • ﻭﻗﻌﺪﻧﺎ ﻧﺤﻮﻡ ﻓﻲ ﺍﻟﺤﻮﺵ . • ﺍﻱ ﺣﺎﺟﺔ ﻣﺴﺨﺖ ﻟﻴﻨﺎ . • ﺍﻟﺘﻼﺟﺔ ﺑﻨﺸﻮﻓﻬﺎ ﺯﻱ ( ﺍﻟﺰﻳﺮ ) . • ﺍﻧﺘﻮﺍ ﻣﺎ ﻗﺎﻟﻮﺍ ﻟﻴﻜﻢ … ﺭﻣﻀﺎﻥ ﺩﺧﻞ ﻓﻲ (ﺍﻟﻌﻀﻢ ) . • ﻋﻀﻢ ﺷﻨﻮ؟ . • ﻫﻮ (ﺍﻟﻌﻀﻢ ) ﺫﺍﺗﻮ ﻓﻀﻞ ﻓﻴﻪ ﺣﺎﺟﺔ . • ﻧﺤﻦ ﺑﻘﻴﻨﺎ ﺷﻐﺎﻟﻴﻦ ﺑﺪﻭﻥ ( ﻋﻀﺎﻡ ) . • ﺭﻣﻀﺎﻥ ﺩﺧﻞ ﻓﻲ ( ﺍﻟﺨﺸﺒﺔ ) ﺍﻟﻘﺪﺍﻡ ﺍﻟﺒﻴﺖ …ﻣﺎ ﻳﺪﺧﻞ ﻓﻲ ﺍﻟﻌﻀﻢ . • ( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ) . • ﻓﻲ ﺍﻟﺤﻠﺔ ﻓﻲ ﻭﺍﺣﺪ ﻛﻞ ﻳﻮﻡ ﺑﻼﻗﻨﻲ ﺑﻘﻮﻝ ﺍﻟﻠﻴﻠﺔ ﻳﻮﻡ ﻛﻢ ﺭﻣﻀﺎﻥ .. ﺍﻗﻮﻝ ﻟﻴﻪ ﺍﻟﻠﻴﻠﺔ ﻳﻮﻡ ﺗﺴﻌﺔ ﺭﻣﻀﺎﻥ . • ﻳﻘﻮﻡ ﻳﻘﻮﻝ ﻟﻲ ﻫﻮ ﻳﻮﻡ ﺗﺴﻌﺔ ﺩﺍ ﺍﺻﻠﻮ ﻣﺎ ﺑﻨﺘﻬﻲ . • ﻳﻼﻗﻴﻨﻲ ﺍﻟﻴﻮﻡ ﺍﻟﺘﺎﻧﻲ ﻭﻳﻘﻮﻝ ﻟﻲ : ﺍﻟﻠﻴﻠﺔ ﻳﻮﻡ ﻛﻢ؟ . • ﺑﻘﻮﻝ ﻟﻴﻪ : ﺍﻟﻠﻴﻠﺔ ﻳﻮﻡ ﻋﺸﺮﺓ ﺭﻣﻀﺎﻥ . • ﺑﻘﻮﻡ ﻳﻘﻮﻝ ﻟﻲ ﺍﻧﺖ ﻳﻮﻡ ﻋﺸﺮﺓ ﺩﺍ ﺍﺻﻠﻮ ﻣﺎ ﺑﻨﺘﻬﻲ . • ﻳﻼﻗﻴﻨﻲ ﻳﻮﻡ 11 ﺭﻣﻀﺎﻥ .. ﻳﻘﻮﻝ ﻟﻲ ﺍﻟﻠﻴﻠﺔ ﺭﻣﻀﺎﻥ ﻓﻴﻪ ﻛﻢ؟ . • ﺍﻗﻮﻝ ﻟﻴﻪ ﺍﻟﻠﻴﻠﺔ ﺭﻣﻀﺎﻥ ﻳﻮﻡ .11 • ﻳﻘﻮﻝ ﻟﻲ ﺍﻧﺖ ﻳﻮﻡ 11 ﺩﺍ ﺍﺻﻠﻮ ﻣﺎ ﺑﻨﺘﻬﻲ . • ﺍﻟﻮﺍﺣﺪ ﻣﺮﺍﺕ ﻣﻦ ( ﺍﻟﻌﻄﺶ ) ﻳﻘﻮﻡ ﻧﺺ ﺍﻟﻠﻴﻞ ﻋﺸﻄﺎﻥ – ﻳﻘﻮﻝ ﻳﺸﺮﺏ ﻟﻴﻪ ﻣﻮﻳﺔ .. ﺑﻠﻘﻰ ﻧﻔﺴﻮ ﺿﺮﺏ ﻟﻴﻪ ﺗﻠﻔﻮﻥ . • ﺑﺪﻭﻥ ﻣﺎ ﺗﺸﻌﺮ . • ﺭﻗﻢ ﺍﻧﻮ ﻣﺎ ﻓﻲ ﺍﻱ ﻋﻼﻗﺔ ﺑﻴﻦ ﺍﻟﺘﻠﻔﻮﻥ ﻭﺷﺮﺍﺏ ﺍﻟﻤﻮﻳﺔ . • ﺍﻟﺘﻠﻔﻮﻧﺎﺕ ﺩﺧﻠﺖ ﻓﻲ ﺍﻱ ﺷﻲﺀ . • ﺍﻟﻮﺍﺣﺪ ﺑﻘﻰ ﻳﻤﺸﻲ ﻳﻄﻠﺐ ﻳﺪ ﺑﻨﺖ ﻋﻤﻮ .. ﻳﻘﻮﻟﻮﺍ ﻟﻴﻪ ﺧﻼﺹ ﺑﻨﺮﺟﻊ ﻟﻴﻚ ﺑﻲ ﺗﻠﻔﻮﻥ . • ﻋﻼﻗﺔ ﺍﻟﺘﻠﻔﻮﻥ ﺑﺎﻟﻌﺮﺱ ﺷﻨﻮ؟ . • ﺍﻭ ﻣﻤﻜﻦ ﺍﻟﻮﺍﺣﺪ ﻳﻼﻗﻴﻚ ﻓﻲ ﺍﻟﻤﻘﺎﺑﺮ .. ﻳﻘﻮﻡ ﻳﻘﻮﻝ ﻟﻴﻚ : ﺑﻴﻨﺎﺗﻨﺎ ﺗﻠﻔﻮﻥ . • ﻭ • ( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ) . • ﺍﻟﻠﺨﺒﻄﺔ ﺣﺼﻠﺖ . • ﺍﻟﺤﺎﺟﺎﺕ ﺍﺗﻠﺨﺒﻄﺖ ﻋﻠﻴﻨﺎ ..ﻭﺑﻘﺖ ﻣﺎ ﻭﺍﺿﺤﺔ – ﻭﻣﺎ ﻣﻌﺮﻭﻓﺔ . • ﺭﻣﻀﺎﻥ ﻣﺎ ﺧﻠﻲ ﻓﻴﻨﺎ ﺣﺎﺟﺔ . • ﺗﺠﻮﺍ ﻳﺎ ﻧﺎﺱ ﺍﻟﻬﻼﻝ ﺗﺠﻬﺠﻬﻮﻧﺎ ﻛﺪﺍ . • ﻧﺤﻦ ﻋﻨﺪﻧﺎ ﺣﻴﻞ ﻟﻠﺤﺎﺟﺎﺕ ﺍﻟﺒﺘﻌﻤﻠﻮﺍ ﻓﻴﻬﺎ ﺩﻱ . • ﻗﺎﻟﻮﺍ ﻟﻴﻜﻢ ﻧﺤﻦ ﻋﻨﺪﻧﺎ ﺻﺒﺮ ﻗﺪﺭ ﺩﺍ . • ﺍﻟﺸﻮﻁ ﺍﻻﻭﻝ ﻓﻲ ﺍﻟﻤﺒﺎﺭﺍﺓ ﺍﻧﺘﻬﻰ ﺑﺘﻘﺪﻡ ﻓﺮﻳﻖ ﺍﻻﻣﻞ ﻋﻠﻰ ﺍﻟﻬﻼﻝ ﺑﻬﺪﻑ . • ﻭﺩﻱ ﺣﺎﺟﺎﺕ ﻧﺤﻦ ﻣﺎ ﺑﺴﺘﺤﻤﻠﻬﺎ . • ﻭﻻ ﺑﻨﻘﺒﻠﻬﺎ . • ﺍﻟﻬﺪﻑ ﻓﻲ ﻋﻄﺒﺮﺓ ﺑﺴﺎﻭﻱ ( 21 ) ﻫﺪﻑ ﻓﻲ ﻛﻮﺳﺘﻰ . • ﻳﻌﻨﻲ ﻣﻌﺎﺩﻟﺔ ﺍﻟﻬﺪﻑ .. ﺣﺎﺟﺔ ﺻﻌﺒﺔ ﻓﻲ ﻋﻄﺒﺮﺓ . • ﺍﻧﻬﻰ ﺍﻻﻣﻞ ﺍﻟﺸﻮﻁ ﺍﻻﻭﻝ ﻣﺘﻘﺪﻣﺎ ﻋﻠﻰ ﺍﻟﻬﻼﻝ ﺑﻬﺪﻑ . • ﺍﻟﻮﺿﻊ ﻣﺎ ﻣﻄﻤﺌﻦ ﻧﻬﺎﺋﻲ . • ﻗﺪﺭ ﻣﺎ ﺷﺮﺑﻨﺎ ﻣﺎ ﺭﻭﻳﻨﺎ . • ﻗﻠﻨﺎ ﺧﻼﺹ ..ﻧﺤﻦ ﺍﻟﻤﺒﺎﺭﺍﺓ ﺩﻱ ﻟﻮ ﻃﻠﻌﻨﺎ ﻓﻴﻬﺎ ﺑـ (ﺍﻟﺘﻌﺎﺩﻝ ) ﻣﺎ ﻛﻌﺒﺔ ﻣﻌﺎﻧﺎ . • ﺑﻘﻴﻨﺎ ﻧﻔﻜﺮ ﻓﻲ ﺍﻟﺘﻌﺎﺩﻝ . • ﻭﺑﺪﻳﻨﺎ ﻧﺒﺮﺭ ﻟﻠﺘﻌﺎﺩﻝ . • ﺍﻟﺘﻌﺎﺩﻝ ﻣﺎ ﻛﻌﺐ ﻣﻌﺎﻧﺎ . • ﻣﺎﻟﻮ ﺍﻟﺘﻌﺎﺩﻝ؟ . • ﺑﺮﺷﻠﻮﻧﺔ ﻓﻲ ﺍﺣﺴﻦ ﺣﺎﻟﺘﻬﺎ ﺑﺘﺘﻌﺎﺩﻝ . • ﺍﻟﻔﺮﻳﻖ ﻋﺎﺋﺪ ﻣﻦ ﺍﻟﻜﻨﻐﻮ . • ﻭﺍﻻﺭﻫﺎﻕ . • ﻭﺍﻟﺘﻌﺐ . • ﻭﺍﻟﺸﻐﻴﻞ ﻣﺎ ﻻﻋﺐ . • ﻭﺍﺩﺭﺯﻳﻨﻬﻮ .. ﻫﺬﻩ ﺍﻭﻝ ﻣﺸﺎﺭﻛﺔ ﻟﻴﻪ . • ﺍﻟﺘﻌﺎﺩﻝ ﻣﺎ ﻛﻌﺐ ﻣﻌﺎﻧﺎ . • ﺑﻨﻘﻨﻊ ﻓﻲ ﻧﻔﻨﺴﺎ . • ﻟﻜﻦ ﺍﻟﺘﻌﺎﺩﻝ ﻫﻮ ﺫﺍﺗﻮ ﻭﻳﻨﻬﺎ؟ . • ﺍﻟﻠﻪ ﻳﻠﻤﻨﺎ ﻓﻲ ﺍﻟﺘﻌﺎﺩﻝ . • ﺑﻘﻴﻨﺎ ﺑﻨﺸﻮﻑ ﻟﻴﻨﺎ (ﻣﺒﺮﺭ ) ﻓﻴﻪ ﺷﻮﻳﺔ ﻣﻨﻄﻖ ﻭﺍﻗﻨﺎﻉ . • ﻣﺎ ﺧﻠﻴﻨﺎ ﺣﺎﺟﺔ . • ﻗﻠﻨﺎ ﺍﻟﺪﻧﻴﺎ ﺭﻣﻀﺎﻥ . • ﻭﺩﻱ ﻣﺎ ﺩﺭﺟﺔ ﺣﺮﺍﺭﺓ ﻳﻐﻠﺒﻮﺍ ﻓﻴﻬﺎ . • ﻛﻔﺎﻳﺔ ﻋﻠﻴﻨﺎ ﺍﻟﺘﻌﺎﺩﻝ . • ﺑﻌﺪﻳﻦ ﻧﺤﻦ ﺫﺍﺗﻮ ﻣﺮﻛﺰﻳﻦ ﻋﻠﻰ ﺍﻟﺒﻄﻮﻟﺔ ﺍﻻﻓﺮﻳﻘﻴﺔ . • ﻣﺮﻛﺰﻳﻦ ﻋﻠﻰ ﻣﺎﺯﻣﺒﻲ . • ﻧﺎﺱ ﺍﻻﻣﻞ ﺩﻳﻞ ﺑﻨﻠﻌﺐ ﻣﻌﺎﻫﻢ ﺑﺎﻟﺼﻒ ﺍﻟﺘﺎﻧﻲ . • ﻃﺒﻌﺎ ﺍﻟﻜﻼﻡ ﺩﺍ ﺑﻨﻘﻮﻝ ﻓﻴﻪ ﺳﺎﻛﺖ . • ﻛﻼﻡ ﺟﺮﺍﻳﺪ ﺳﺎﻛﺖ . • ﻧﺤﻦ ﺫﺍﺗﻮ ﻣﺎ ﻣﻘﺘﻨﻌﻴﻦ . • ﻭﺍﻟﻠﻪ ﺍﻻﻣﻞ ﻭﻗﺖ ﺟﺎﺏ ﻟﻴﻪ ﻫﺪﻑ …ﺍﻟﻮﺍﺣﺪ ﺑﻘﻰ ﻳﺸﻮﻑ ﺍﻟﺘﻠﻔﺰﻳﻮﻥ ﺍﻟﻘﺪﺍﻣﻮ ﺳﺒﻌﺔ – ﺳﺒﻌﺔ . • ﻛﻞ ﻣﻦ ﻧﺎﺱ ﺍﻟﻨﻴﻠﻴﻦ ﺩﻳﻞ . • ﻋﻨﺪﻫﻢ ﻃﺒﻖ .. ﺍﻟﻘﻮﻥ ﻳﻜﻮﻥ ﺻﺤﻴﺢ – ﻳﻄﻠﻌﻮﺍ ﻟﻴﻚ ﺗﺴﻠﻞ . • ﺍﻟﺪﻧﻴﺎ ﻣﺴﺨﺖ ﻋﻠﻴﻨﺎ . • ﻫﺴﻊ ﺩﺍ ﻳﻘﻮﻟﻮ ﻋﻠﻴﻪ ﺷﻨﻮ؟ . • ﺍﻟﺘﻌﺎﺩﻝ ﺩﺍ ﻳﺘﺒﻠﻊ ﻟﻴﻨﺎ ﻛﻴﻒ؟ . • ﻳﺎ ﺭﺑﻲ ( ﺍﻟﺤﻜﻢ ) . • ﻛﻠﻮ ﻣﻦ ﺍﻟﺤﻜﻢ . • ﺍﺻﻠﻮ ﻟﻮ ﻣﺎ ﺟﺎﺑﻮﺍ ﻟﻴﻨﺎ ﻃﺎﻗﻢ ﺗﺤﻜﻴﻢ ﺑﻬﺬﺍ ﺍﻟﻤﺴﺘﻮﻯ ﺍﻟﻬﻼﻝ ﻣﺎ ﺑﺴﺠﻠﻮﺍ ﻓﻴﻪ ﻫﺪﻑ . • ﺑﻌﺪﻳﻦ ﺍﺭﺿﻴﺔ ﺍﻟﻤﻠﻌﺐ ﺫﺍﺗﻬﺎ ﻣﺎ ﻣﺴﺎﻋﺪﺓ . • ﻭﺍﻟﺴﻔﺮ . • ﻭﺍﻻﺭﻫﺎﻕ . • ﻭﺍﻟﻜﻮﻛﻲ ﺫﺍﺗﻮ ﻗﺎﻋﺪ ﻳﻨﻈﺮ ﻛﺘﻴﺮ . • ﻃﺒﻌﺎ ﺍﻟﻜﻼﻡ ﺩﺍ ﻧﺤﻦ ﺑﻨﻘﻮﻝ ﻓﻴﻪ ﻭﺍﻟﻬﻼﻝ ﻣﺘﺄﺧﺮ ﺑﻬﺪﻑ . • ﺑﻌﺪ ﺍﻟﺸﻮﻁ ﺍﻻﻭﻝ ﻣﺎ ﺍﻧﺘﻬﻰ . • ﻗﺎﻟﻮﺍ ﻟﻴﻜﻢ ﻧﺤﻦ ( ﺷﻮﻁ ) ﺑﻨﺴﺘﺤﻤﻠﻮ ﻭﺍﻟﻬﻼﻝ ﻣﻐﻠﻮﺏ . • ﻓﺎﺭﻕ ( 5 ) ﻧﻘﺎﻁ ﻣﺎ ﺑﺘﺘﻌﻮﺽ ﺗﺎﻧﻲ . • ﻧﺤﻦ ﻣﻤﻜﻦ ﻧﻐﻠﺐ ﺍﻟﻤﺮﻳﺦ ..ﻟﻜﻦ ﻓﺮﻕ ﺍﻟﻨﻘﻄﺘﻴﻦ ﻧﺠﻴﺒﻮ ﻣﻦ ﻭﻳﻦ؟ . • ﺍﻟﺘﻼﺕ ﻧﻘﺎﻁ ﺍﻣﺎﻡ ﺍﻟﻤﺮﻳﺦ ﻣﻀﻤﻮﻧﺔ . • ﻟﻜﻦ ﺍﺗﺴﺎﻉ ﺍﻟﻔﺎﺭﻕ ﺑﻴﻦ ﺍﻟﻬﻼﻝ ﻭﺍﻟﻤﺮﻳﺦ ﻟﺨﻤﺴﺔ ﻧﻘﺎﻁ ﻟﺼﺎﻟﺢ ﺍﻻﺧﻴﺮ .. ﻳﺠﻌﻞ ﺍﻟﺒﻄﻮﻟﺔ ﺍﻟﻤﺤﺒﺒﺔ ﻣﻦ ﺍﻟﻬﻼﻝ ﺗﻬﺮﺏ . • ﺗﻔﻠﺖ . • ﻭﻧﺤﻦ ﻭﺍﻟﻠﻪ ﺗﻴﻤﻨﺎ ﺩﺍ ﻣﺎ ﺗﻴﻢ ( ﻭﺻﺎﻓﺔ ) . • ﻓﺮﻕ ﺍﻟﻮﺻﺎﻓﺔ ﻇﺎﻫﺮﺓ . • ﻧﺤﻦ ﻋﻨﺪﻧﺎ (ﻓﺮﻳﻖ ) ﺑﻄﻮﻟﺔ . • ﺍﻟﻜﻼﻡ ﺩﺍ ﺑﻨﻘﻮﻝ ﻓﻴﻪ ﻭﺍﻟﻬﻼﻝ ﻣﺘﺄﺧﺮ ﺑﻬﺪﻑ . • ﺑﻴﻦ ﺍﻟﺸﻮﻃﻴﻦ . • ﻓﻲ ﺍﻻﺳﺘﺮﺍﺣﺔ . • ﺍﻟﻰ ﺍﻥ ﺑﺪﺃ ﺍﻟﺸﻮﻁ ﺍﻟﺘﺎﻧﻲ ..ﻭﺳﺠﻞ (ﻛﻴﺒﻲ ) ﻓﻲ ﺍﻟﺪﻗﻴﻘﺔ ﺍﻟﺴﺎﺩﺳﺔ ﻣﻦ ﺍﻟﺸﻮﻁ ﺍﻟﺘﺎﻧﻲ . • ﻗﻌﺪﻧﺎ ﻧﻀﺤﻚ . • ﻭﺑﻘﻴﻨﺎ ﻧﻔﻜﺮ ﻓﻲ ﺍﻟﻌﻴﺪ . • ﻭﻓﻲ ﻭﺍﺣﺪ ﻣﻊ ( ﻫﺪﻑ ) ﻛﻴﺒﻲ ﺩﺍ ﻗﺎﻝ ﺭﻣﻀﺎﻥ ﺍﻟﺴﻨﺔ ﺩﻱ (29 ) ﻳﻮﻡ . • ﺍﺗﺒﺴﻄﻨﺎ . • ﻭﻗﻠﻨﺎ ﺍﻟﺘﻌﺎﺩﻝ ﻣﻊ ﻛﻌﺐ ﻣﻌﺎﻧﺎ . • ﻭ • ( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ) . • ﺍﺭﺑﻌﺔ ﺩﻗﺎﺋﻖ ﺗﺎﻧﻲ … ﻭﻛﻴﺒﻲ ﺗﺎﻧﻲ ﺳﺠﻞ ﻟﻴﻪ ﻗﻮﻥ . • ﺩﺍ ﺷﻨﻮ ﺩﺍ؟ . • ﺩﺍ ﻋﻴﺪ ﺭﺳﻤﻲ . • ﺍﻧﺘﻮﺍ ﺍﻻﻣﻞ ﻻﻋﺐ ﺿﺪ ﺍﻟﻬﻼﻝ ﻭﺇﻟّﺎ ﻻﻋﺐ ﺿﺪ ﻛﻴﺒﻲ . • ﻛﻴﺒﻲ ﺑﺮﺍﻫﻮ ﻏﻠﺐ ﺍﻻﻣﻞ . • ﻓﻲ ( 4 ) ﺩﻗﺎﺋﻖ ﺣﺴﻤﻨﺎ ﺍﻟﻤﺒﺎﺭﺍﺓ . • ﺑﻌﺪ ﻣﺎ ﺍﺗﻘﺪﻡ ﺍﻟﻬﻼﻝ 2 / 1 .. ﻓﻲ ﻭﺍﺣﺪ ﻗﺎﻝ ﻟﻴﻨﺎ ﺭﻣﻀﺎﻥ ﺍﻟﺴﻨﺔ ﺩﻱ ﻳﻤﻜﻦ ﻳﻜﻮﻥ 28 ﻳﻮﻡ . • ﺍﻟﻨﺎﺱ ﺩﻳﻞ ﺻﺎﻣﻮﺍ ﻳﻮﻡ ﺳﺎﻛﺖ . • ﺻﻮﻣﻮﻧﺎ ﺳﺎﻛﺖ . • ﺷﻌﺮﻧﺎ ﻟﻴﻚ ﺑﺎﻟﻌﻴﺪ . • ﻓﻲ ﻧﺎﺱ ﺧﺒﺰﻭﺍ . • ﻭﻓﻲ ﺟﻤﺎﻋﺔ ﺑﺪﺃﻭﺍ ﻳﻮﺯﻋﻮﺍ ﻓﻲ ﺍﻟﺤﻼﻭﺓ . • ﻭﻓﻲ ﺷﻔﻊ ﻟﺒﺴﻮﺍ ﻫﺪﻭﻡ ﺍﻟﻌﻴﺪ ﻭﻃﻠﻌﻮﺍ ﻓﻲ ﺍﻟﻠﻴﻞ ﺩﺍﻙ . • ﻭﻃﻠﻌﻨﺎ ﻧﺒﺎﺭﻙ ﻓﻲ ﺍﻟﻌﻴﺪ . • ﻭﻧﺒﺎﺭﻙ ﺍﻟﻤﻤﺘﺎﺯ ﺍﻳﻀﺎ . • ﺍﻟﻤﻤﺘﺎﺯ ﻣﺒﺮﻭﻙ ﻋﻠﻴﻜﻢ ﻳﺎ ﺍﻟﻬﻼﻝ . • ﺧﻼﺹ ﺍﺗﺠﺎﻭﺯﺗﻮﺍ ﺍﺻﻌﺐ ﻣﺤﻄﺔ . • ﺍﺗﺠﺎﻭﺯﺗﻮﺍ ﻣﺤﻄﺔ ﻋﻄﺒﺮﺓ . • ﺍﻻﻧﺘﺼﺎﺭ ﻋﻠﻰ ﺍﻻﻣﻞ ﺑﺒﻄﻮﻟﺔ ﺍﻟﻤﻤﺘﺎﺯ ﻛﻠﻬﺎ . • ﺍﻟﻤﻤﺘﺎﺯ ﺑﻘﻰ ﻣﻀﻤﻮﻥ ﻟﻠﻬﻼﻝ ﺍﻥ ﺷﺎﺀﺍﻟﻠﻪ . • ﻭ • ( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ) . • .………… ﻭ • ﺍﻟﻠﻪ ﺷﺎﻓﻨﺎ . • ﻫﺴﻊ ﻟﻮ ﺍﻟﻬﻼﻝ ﺍﺗﻐﻠﺐ ﺍﻭ ﺍﺗﻌﺎﺩﻝ .. ﻣﻊ ﺍﻟﻨﻬﺎﺭﻳﺔ ﺩﻱ ﻧﻤﺸﻲ ﻭﻳﻦ؟ . • ﻧﻘﻮﻝ ﺷﻨﻮ؟ . • ﺍﻟﻤﻤﺘﺎﺯ ﺑﻘﻰ ﺣﻘﻨﺎ . • ﺧﻠﻮﺍ ﻧﺎﺱ ﺍﻟﻤﺮﻳﺦ ﻳﻔﻜﺮﻭﺍ ﻓﻲ ﻛﺄﺱ ﺍﻟﺴﻮﺩﺍﻥ . • ﻭﻛﺄﺱ ﺍﻟﺴﻮﺩﺍﻥ ﺫﺍﺗﻮ ﺍﻻﻫﻠﻲ ﺷﻨﺪﻱ ﻋﻨﺪﻭ ﺭﺃﻱ . • ﻧﺎﺱ ﺍﻻﻫﻠﻲ ﺷﻨﺪﻱ .. ﺑﺲ ﻓﻼﺣﺘﻬﻢ ﻣﻌﺎﻧﺎ ﻧﺤﻦ . • ..…… • ﺍﻟﺴﻴﺪﺓ ( ﻝ ) …ﺍﻟﻠﻴﻠﺔ ﻣﺎ ﻋﺎﻭﺯ ﺍﻗﻮﻝ ﺍﻱ ﺷﻲﺀ . • ﻗﺮّﺽ ﻋﻠﻰ ﻛﺪﺍ
