• ﺍﻟﺰﻭﻝ ﻭﻗﺖ ﻳﻌﻤﻞ ﺍﻱ ﺣﺎﺟﺔ .. ﻭﻣﺎ ﻳﺨﻠﻲ ﻟﻴﻪ ( ﺩﻛﺘﻮﺭ ) ﻣﺎ ﻳﻤﺸﻲ ﻟﻴﻪ … ﺍﻟﻨﺎﺱ ﻓﻲ ﺍﻟﺤﻠﺔ ﺑﻴﺒﺪﺃﻭﺍ ﻳﻨﺼﺤﻮﺍ ﻓﻴﻪ . • ﺍﻱ ﺯﻭﻝ ﺑﻌﻤﻞ ﻟﻴﻚ ﻓﻴﻬﺎ ( ﺧﺒﻴﺮ ﺍﻋﺸﺎﺏ ) . • ﺍﻱ ﻭﺍﺣﺪ ﺑﻘﻌﺪ ﻳﺸﺮﻉ ﻟﻴﻚ .. ﻭﻳﻘﻄﻊ ﻟﻴﻪ ( ﻭﺻﻔﺎﺕ ) ﻣﻦ ﺭﺍﺳﻮ . • ﺍﻟﺒﻘﻮﻝ ﻟﻴﻚ ( ﺍﻟﻮﺻﻔﺔ ) ﺩﻱ … ﺟﺪﻫﺎ (ﺷﺮﺑﻬﺎ ) ﻭﻣﺎﺕ . • ﻃﻴﺐ ﻭﻗﺖ ﻣﺎﺕ .. ﺑﺘﻮﺻﻔﻬﺎ ﻟﻲ ﻟﻴﻪ؟ . • ﻭﺍﻟﺒﻘﻮﻝ ﻟﻴﻚ … ( ﺍﻟﻌُﺸﺐ ) ﺩﺍ ﺍﻟﺒﻌﻤﻠﻮ … ﺗﻼﺗﺔ ﻳﻮﻡ ﻣﺎ ﺑﻘﻌﺪ .. ﺑﻤﻮﺕ ﻃﻮﺍﻟﻲ . • ﻃﻴﺐ ﻭﻗﺖ ﺑﻤﻮﺕ .. ﺑﺘﻘﻮﻟﻬﺎ ﻟﻴﻪ؟ . • ﻭ • ( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ (ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ) . • ﺑﺲ ( ﺍﻟﻠﻴﻞ ﻣﺎ ﺑﻨﻮﻣﻮ ) … ﺑﻨﻮﻡ ﺍﻟﻨﻬﺎﺭ ﻣﻊ ﺍﻟﺴﺨﺎﻧﺔ ﺩﻱ . • ﺍﻗﻞ ﻭﺍﺣﺪ ﺑﻘﻮﻡ ﻳﻘﻮﻝ ﻟﻴﻚ ﻳﺎ ﺯﻭﻝ ﺍﻟﺪﻛﺎﺗﺮﺓ ﺩﻳﻞ ﻟﻮ ﺑﺎﺭﻳﺘﻬﻢ ( ﻗﺮﺵ ) ﻣﺎ ﺑﺨﻠﻮﺍ ﻟﻴﻚ .. ﺍﺣﺴﻦ ﺗﻌﻤﻞ ﻟﻴﻚ ( ﺣﻠﺒﺔ ) ﺗﺸﺮﺑﻬﺎ . • ﺣﻠﺒﺔ ﻛﻠﻬﺎ ﺑﻲ ﺍﺗﻨﻴﻦ ﺟﻨﻴﻪ .. ﺗﺨﻠﻴﻚ ﺯﻱ ﺍﻟﻄﻠﻘﺔ . • ﻭﺍﻟﺒﻘﻮﻝ ﻟﻴﻚ ( ﺣﺮﺟﻞ ) . • ﻣﺎ ﻓﻲ ﻏﻴﺮ ( ﺍﻟﺤﺮﺟﻞ ) . • ﻭﺍﻟﺒﻘﻮﻝ ﻟﻴﻚ ﺍﻏﻠﻲ ( ﺻﻔﻖ ﻧﻴﻢ ) ﻭﺍﺷﺮﺑﻮ . • ﻣﺎ ﻓﻲ ﺍﺣﺴﻦ ﻣﻦ ( ﺻﻔﻖ ﺍﻟﻨﻴﻢ ) . • ﺍﻟﺒﻠﺪ ﻛﻠﻬﺎ ﺑﺘﺸﺮﺏ ( ﻧﻴﻢ ) . • ﻳﻌﻨﻲ ﺑﻘﺖ ﻋﻠﻴﻚ ﺍﻧﺖ . • ﺍﻟﺰﻭﻝ ﻭﻗﺖ ﻳﻘﻨﻊ ﻣﻦ ( ﺍﻻﻃﺒﺎﺀ ) ﺑﻘﺒﻞ ﻋﻠﻰ ( ﺍﻻﻋﺸﺎﺏ ) . • ﺍﻟﻄﺐ ﺍﻟﺒﻠﺪﻱ . • ﺍﻱ ﺯﻭﻝ ﻳﺪﻳﻚ ﻭﺻﻔﺔ ( ﻧﺒﺎﺗﻴﺔ ) . • ﻭﺍﻧﺖ ﻣﻦ ﻭﺻﻔﺔ ﻟﻲ ﻭﺻﻔﺔ ﺗﺒﻘﻰ ﺯﻭﻝ ( ﻧﺒﺎﺗﻲ ) . • ﺍﻟﺼﺒﺎﺡ ﻭﻗﺖ ﺗﻘﻮﻡ ﺗﻠﻘﻰ ﺷﻌﺮﻙ ﺻﺒﺎﺡ ﺍﻟﺨﻴﺮ – ﺻﺒﺎﺡ ﺍﻟﺨﻴﺮ . • ﻫﺴﻊ ﺍﻟﻬﻼﻝ ﻭﺍﻟﻤﺮﻳﺦ ﺟﺮّﺑﻮﺍ ﺍﻱ ﺣﺎﺟﺔ ﻓﻲ ﺑﻄﻮﻟﺔ ﺍﻻﻧﺪﻳﺔ ﺍﻻﻓﺮﻳﻘﻴﺔ ﻟﻼﺑﻄﺎﻝ .. ﻭﻣﺎ ﻗﺪﺭﻭﺍ ﻳﺤﻘﻘﻮﺍ ﺍﻟﻠﻘﺐ . • ﺑﻜﻞ ﺗﺪﺍﻭﻳﻨﺎ . • ﺑﻌﺪ ﻛﺪﺍ ﻣﺎ ﻓﺎﺿﻞ ﻟﻴﻬﻢ ﺇﻟّﺎ ( ﺍﻟﻄﺐ ﺍﻟﺒﻠﺪﻱ ) . • ﺍﻻﻋﺸﺎﺏ . • ﺍﻟﺒﻘﻮﻝ ﻳﻀﺒﺤﻮﺍ ﻟﻴﻬﻢ ( ﻛﺪﻳﺴﺔ ) . • ﻭﺍﻟﺒﻘﻮﻝ ﻳﺴﺘﺤﻤﻮﺍ ﺑﺎﻟﻠﺒﻦ . • ﻟﻴﻪ ﻧﺤﻦ ﻋﺎﻭﺯﻳﻦ ﻧﺸﻴﻞ ﻟﻴﻨﺎ ﺑﻄﻮﻟﺔ ﻭﺇﻟّﺎ ﻧﺸﻴﻞ ﻟﻴﻨﺎ ﺣﻜﻮﻣﺔ . • ﻛﺪﻳﺴﺔ ﺷﻨﻮ؟ . • ﺷﻨﻮ ﺍﻟﺨﺮﺍﻓﺎﺕ ﺩﻱ؟ . • ﻭ • ( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ (ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ) . • ﺑﺲ ( ﻟﻮ ﻋﺎﺭﻑ ﻋﻴﻮﻧﻚ ) ﻛﺎﻥ ﺭﺟﻌﺖ ﻟﻲ ﻓﻲ ﺍﻟﺸﺮﻳﺤﺔ ﺍﻟﺘﺎﻧﻴﺔ . • ﻧﺤﻦ ﻃﺒﻌﺎ ﺑﻨﺘﻜﻠﻢ ﻋﻦ ( ﺍﻟﺒﻄﻮﻟﺔ ﺍﻻﻓﺮﻳﻘﻴﺔ ﺍﻟﻜﺒﺮﻱ ) . • ﻻ ﺍﻟﻬﻼﻝ ﻭﻻ ﺍﻟﻤﺮﻳﺦ ﻣﺎ ﺣﻘﻘﻮﺍ ﺍﻟﻠﻘﺐ . • ﻳﺼﻠﻮﺍ ﻟﻐﺎﻳﺔ ﺍﻟﺒﻴﺖ ..ﻭﻳﺠﻮﺍ ﺭﺍﺟﻌﻴﻦ ﺳﺎﻛﺖ . • ﺍﻟﺒﻘﻮﻝ ﻟﻴﻚ (ﺍﻟﺘﺤﻜﻴﻢ ) . • ﻭﺍﻟﺒﻘﻮﻝ ﺍﺭﺿﻴﺔ ﺍﻟﻤﻠﻌﺐ . • ﻭﺍﻟﺒﻘﻮﻝ ﻟﻴﻚ ( ﺍﻟﻄﻘﺲ ) . • ﻭﺍﻟﺒﻘﻮﻝ ﻟﻴﻚ (ﺍﻟﻤﻌﺰ ﻣﺤﺠﻮﺏ ﻭﺭﻳﺘﺸﺎﺭﺩ ) . • ﺍﻟﺜﺎﺑﺖ ﺍﻥ ﺍﻟﻬﻼﻝ ﻭﺍﻟﻤﺮﻳﺦ ﻓﺸﻠﻮﺍ ﻓﻲ ﺗﺤﻘﻴﻖ ﺍﻟﻠﻘﺐ ﺍﻻﻛﺒﺮ ﺍﻓﺮﻳﻘﻴﺎ .. ﺗﺘﻌﺪﺩ ﺍﻻﺳﺒﺎﺏ ﻭﺍﻟﻔﺸﻞ ﻭﺍﺣﺪ . • ﻧﺤﻦ ﺑﻨﺘﻜﻠﻢ ﻋﻦ ﺍﻟﺒﻄﻮﻻﺕ ﺍﻟﻜﺒﺮﻱ . • ﺍﻟﺮﺳﻤﻴﺔ . • ﺍﻟﻜﺒﻴﺮﺓ . • ﻋﺸﺎﻥ ﻧﺎﺱ ﺍﻟﻤﺮﻳﺦ ﻣﺎ ﻳﻘﻮﻣﻮﺍ ﻳﺤﺴﺒﻮﺍ ﻟﻴﻨﺎ ( ﺳﻴﻜﺎﻓﺎ ) ﺑﻄﻮﻟﺔ . • ﻭﻳﻘﻮﻣﻮﺍ ﻳﻨﻜﺘﻮﺍ ﻟﻴﻬﻢ ﺣﺎﺟﺎﺕ ﻣﻦ ﺭﺃﺳﻬﻢ . • ﻧﺤﻦ ( ﺍﻟﻜﻮﻧﻔﺪﺭﺍﻟﻴﺎﺕ ) ﺩﻱ ﻓﻲ ( ﺍﻟﺪﺍﻓﻮﺭﻱ ) ﺑﺘﺎﻉ ﺍﻟﺤﻠﺔ ﻣﺎ ﻗﺎﻋﺪﻳﻦ ﻧﺤﺴﺒﻬﺎ . • ﻭ • ( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ (ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ) . • ﺑﺲ ( ﻭﻗﺖ ﺳﻴﺮﺗﻚ ﻳﺠﺒﻮﻫﺎ ) ﺑﻨﺨﺖ ﺍﻟﺘﻠﻔﻮﻥ ﻓﻲ ﺍﻟﺸﺎﺣﻦ . • ﺍﻟﻬﻼﻝ ﻭﺍﻟﻤﺮﻳﺦ ﻓﻲ ﺍﻟﺒﻄﻮﻟﺔ ﺍﻻﻓﺮﻳﻘﻴﺔ ﺟﺮﺑﻮﺍ ﺍﻱ ﺣﺎﺟﺔ . • ﻣﺎ ﺧﻠﻮﺍ ﺷﻲﺀ . • ﻣﺎ ﺧﻠﻮﺍ ﻟﻴﻬﻢ (ﻛﺪﻳﺴﺔ ) ﺣﺎﻳﻤﺔ . • ﺣﺘﻰ ( ﺍﻟﺨﺮﺍﻓﺎﺕ ) ﺟﺮﺑﻮﻫﺎ . • ﺍﻟﺨﺮﺍﻓﺎﺕ ﻭﺿﺮﺑﺎﺕ ﺍﻟﺠﺰﺍﺀ ﺍﻟﺒﻴﺴﺤﺒﻮﻫﺎ ﺳﺎﻛﺖ . • ﺍﻟﺒﻘﻄﻌﻮﻫﺎ ﻣﻦ ﺭﺃﺳﻬﻢ . • ﺍﻟﻬﻼﻝ ﻭﺍﻟﻤﺮﻳﺦ ﺳﺠﻠﻮﺍ ﺍﻏﻠﻰ ﺍﻟﻼﻋﺒﻴﻦ ﻓﻲ ﺍﻓﺮﻳﻘﻴﺎ – ﻟﻜﻦ ﺑﺮﺿﻮ ﻣﺎ ﺟﺎﺑﻮﺍ ﻟﻴﻬﻢ ﺑﻄﻮﻟﺔ . • ﻣﺎ ﺧﻠﻮﺍ ﻟﻴﻬﻢ ( ﻭﺍﺭﻏﻮ ) . • ﻭﺍﺭﻏﻮ ﺟﺎﺑﻮﻩ ﺑﻲ ( 3 ) ﻣﻠﻴﻮﻥ ﺩﻭﻻﺭ . • ﺗﻘﻮﻝ ﻋﺎﻭﺯﻳﻦ ﻳﻌﻤﻠﻮﺍ ﻟﻴﻬﻢ ( ﺳﺪ ) . • ﺳﺪ ﻣﺮﻭﻱ ﺍﻟﺤﻜﻮﻣﺔ ﻣﺎ ﺩﻓﻌﺖ ﻓﻴﻪ ﺍﻟﻘﺮﻭﺵ ﺩﻱ . • ﺳﺪ ﻣﺮﻭﻱ ﻋﻤﻠﻮﻩ ﺑﺎﻟﻘﺮﺽ . • ﻭﻭﺍﺭﻏﻮ ﺩﻓﻌﻮﺍ ﻟﻴﻪ ﻗﺮﻭﺷﻮ ﻛﺎﺵ . • ﻟﻜﻦ ﺑﺮﺿﻮ ( ﻭﺍﺭﻏﻮ ) ﻣﻊ ﻋﻤﻞ ﺣﺎﺟﺔ . • ﺗﻌﺎﻗﺪ ﺍﻟﻬﻼﻝ ﻭﺍﻟﻤﺮﻳﺦ ﻣﻊ ﺍﺟﻬﺰﺓ ﻓﻨﻴﺔ ﺍﺟﻨﺒﻴﺔ ﻋﻠﻰ ﺍﻋﻠﻰ ﻣﺴﺘﻮﻯ .. ﻭﻟﻜﻦ ﺍﻳﻀﺎ ﻟﻢ ﺗﺤﻘﻖ ﻫﺬﻩ ﺍﻻﺟﻬﺰﺓ ﺍﻣﺎﻝ ﻭﻃﻤﻮﺣﺎﺕ ﺟﻤﺎﻫﻴﺮ ﺍﻟﻨﺎﺩﻳﻴﻦ ﻓﻲ ﺍﻟﺴﻮﺩﺍﻥ . • ﺭﻳﻜﺎﺩﻭ ﻳﺠﻴﺒﻮﻩ ﻭﻳﺮﺟﻌﻮﻩ . • ﻧﺤﻦ ﻧﺠﻴﺐ ﺭﻳﻜﺎﺭﺩﻭ . • ﺍﻟﻤﺮﻳﺦ ﺗﺎﻧﻲ ﻳﺠﻴﺒﻮ . • ﺑﺮﺍﻧﻜﻮ ﺟﺒﻨﺎﻫﻮ . • ﺭﺟﻌﻮﻩ .. ﺑﺮﺿﻮ ﻣﺎ ﻋﻤﻞ ﺣﺎﺟﺔ . • ﻏﺎﺭﺯﻳﺘﻮ ﺍﻟﻘﺎﻋﺪ ﻳﻨﻄﻂ ﺍﻵﻥ .. ﻛﺎﻥ ﻓﻲ ﺍﻟﻬﻼﻝ . • ﻳﻌﻨﻲ ﺍﻟﻤﺮﻳﺦ ﺩﺍ ﺍﺻﻠﻮ ﻣﺎ ﻗﺼﺮﻧﺎ ﻣﻌﺎﻫﻢ ﻓﻲ ﺣﺎﺟﺔ . • ﺍﻟﻤﺪﺭﺏ ﺍﻟﺒﻨﺠﻴﺒﻮ .. ﻓﻲ ﺍﻟﻌﻘﺪ ﺑﻨﻘﻮﻝ ﻟﻴﻪ ﺑﻌﺪ ﺍﻟﻬﻼﻝ ﺡ ﺗﻤﺸﻲ ﺍﻟﻤﺮﻳﺦ . • ﺑﻨﺸﺘﺮﻁ ﻋﻠﻴﻪ . • ﺑﻨﺪ ﺛﺎﺑﺖ ﻓﻲ ﻋﻘﺪ ﻟﻠﻬﻼﻝ ﻣﻊ ﻣﺪﺭﺏ ﺍﺟﻨﺒﻲ . • ﻫﺴﻊ ﻧﺒﻴﻞ ﺍﻟﻜﻮﻛﻲ ﻓﺘﺢ ﻟﻴﻨﺎ ﻟﻴﻪ ﺍﺿﺎﻧﻮ . • ﻗﻠﻨﺎ ﻟﻴﻪ ﺧﻠﻴﻚ ﺟﺎﻫﺰ – ﻓﻲ ﺣﺎﻟﺔ ﺍﻧﻬﺎﺀ ﺍﻟﻬﻼﻝ ﻟﻠﺘﻌﺎﻗﺪ ﻣﻌﻚ – ﺡ ﺗﻤﺸﻲ ﺍﻟﻤﺮﻳﺦ . • ﻋﺸﺎﻥ ﻛﺪﺍ ﻏﺎﺭﺯﻳﺘﻮ ﻫﺴﻊ ﺑﺎﻟﻮ ﻛﻠﻮ ﻣﻊ ﺍﻟﻬﻼﻝ . • ﻏﺎﺭﺯﻳﺘﻮ ﻋﺎﺭﻑ ﻟﻮ ﺍﻟﻬﻼﻝ ﺍﻧﻬﻰ ﺗﻌﺎﻗﺪﻩ ﻣﻊ ﺍﻟﻜﻮﻛﻲ – ﻧﺎﺱ ﺍﻟﻤﺮﻳﺦ ﺡ ﻳﺸﻴﻠﻮﻩ ﻭﻳﺠﻴﺒﻮﺍ ﻏﺎﺭﺯﻳﺘﻮ . • ﻭ • ( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ (ﺍﻟﻨﻔﺲ ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ) . • ﺑﺲ ﻭﻗﺖ ﺗﻜﻮﻥ ﻋﺎﻭﺯ ﺗﻀﺮﺏ ﻟﻴﻚ ﻟﻲ ﺯﻭﻝ .. ﺗﻠﻘﻰ ﺭﺻﻴﺪﻙ ﻧﻔﺪ .. ﻃﻮﺍﻟﻲ ﺑﺘﺄﺧﺪ ﻟﻴﻚ ﻣﻮﻗﻒ ﻣﻦ ﺍﻟﺰﻭﻝ ﺩﺍ . • ﺍﺭﺗﻔﻊ ﻣﻌﺪﻝ ﺍﻟﺼﺮﻑ ﺑﺼﻮﺭﺓ ﺧﺮﺍﻓﻴﺔ ﻓﻲ ﺍﻟﻬﻼﻝ ﻭﺍﻟﻤﺮﻳﺦ .. ﺭﺑﻤﺎ ﺍﻋﻠﻰ ﺣﺘﻰ ﻣﻦ ﻣﻴﺰﺍﻧﻴﺔ ﺍﻟﺘﺮﺟﻲ ﻭﺍﻻﻫﻠﻲ ﺍﻟﻤﺼﺮﻱ ﻭﻣﺎﺯﻣﺒﻲ ﺭﻏﻢ ﺍﻥ ﻛﻞ ﻫﺬﻩ ﺍﻻﻧﺪﻳﺔ ﺗﻤﻠﻚ ﻣﻮﺍﺭﺩ ﻭﺗﺪﺧﻞ ﻟﻬﺎ ﻣﻦ ﻣﺼﺎﺩﺭﻫﺎ ﺍﻟﺨﺎﺻﺔ ﺍﻣﻮﺍﻝ ﺧﺮﺍﻓﻴﺔ . • ﺍﻟﻤﺮﻳﺦ ﺩﻋﻤﺘﻪ ( ﺍﻟﺤﻜﻮﻣﺔ ) ﻭﺭﻋﺘﻪ ﻭﺗﺠﺎﻭﺯ ﻟﻪ ﺍﻻﺗﺤﺎﺩ ﺍﻟﻌﺎﻡ ﺍﻟﻠﻮﺍﺋﺢ ﻭﺍﻟﻘﻮﺍﻧﻴﻦ . • ﻣﺎ ﺧﻠﻮﺍ ﻟﻴﻪ ( ﺟﻨﺴﻴﺔ ) … ﻣﻨﺢ ﻻﻋﺒﻲ ﺍﻟﻤﺮﻳﺦ ﺍﻻﺟﺎﻧﺐ ﺟﻨﺴﻴﺎﺕ ﻣﻦ ﻣﻄﺎﺭ ﺍﻟﺨﺮﻃﻮﻡ . • ﻣﻊ ﺫﻟﻚ .. ﻓﺸﻞ ﺍﻟﻤﺮﻳﺦ ﻓﻲ ﺍﻥ ﻳﺤﻘﻖ ﺑﻄﻮﻟﺔ ﺍﻻﻧﺪﻳﺔ ﺍﻻﻓﺮﻳﻘﻴﺔ .. ﻧﺎﺱ ﺍﻟﻤﺮﻳﺦ ﻭﻗﺖ ﻳﺼﻠﻮﺍ ( ﺍﻟﻤﺠﻤﻮﻋﺎﺕ ) ﺑﺮﻓﻌﻮﺍ ﺍﻟﻘﺰﺍﺯ . • ﺍﻟﻬﻼﻝ ﻓﻲ ﺍﻟﺴﺒﻊ ﺳﻨﻮﺍﺕ ﺍﻻﺧﻴﺮﺓ – ﻭﺻﻞ ﻟﻠﻤﺠﻤﻮﻋﺎﺕ ( 6 ) ﻣﺮﺍﺕ . • ﻣﺮﺓ ﺑﻨﺼﻞ ﺑﻲ ﻛﻠﺘﺸﻲ ﻭﻗﻮﺩﻭﻳﻦ . • ﻭﻣﺮﺓ ﺑﻲ ﻣﺴﺎﻭﻱ . • ﻭﻣﺮﺓ ﺑﻲ ﻛﺎﺭﻳﻜﺎ . • ﻭﻣﺮﺓ ﺑﻲ ﻭﻟﻴﺪ ﻋﻼﺀﺍﻟﺪﻳﻦ . • ﺑﻲ ﺍﻱ ﻣﺠﻤﻮﻋﺔ ﻛﻨﺎ ﺑﻨﺼﻞ ﻟﻤﺮﺣﻠﺔ ﺍﻟﻤﺠﻤﻮﻋﺎﺕ . • ﻟﻜﻦ ﻳﺠﺐ ﺍﻥ ﻻ ﺗﻜﻮﻥ ﺍﻟﻤﺠﻤﻮﻋﺎﺕ ﻫﺪﻑ ﻟﻨﺎ . • ﻣﺎﺫﺍ ﺑﻌﺪ ﺍﻟﻤﺠﻤﻮﻋﺎﺕ . • ﺍﻟﻬﻼﻝ ﻭﺍﻟﻤﺮﻳﺦ ﺍﻣﺎﻣﻬﻢ ﻓﺮﺻﺔ ﺗﺎﺭﻳﺨﻴﺔ ﻟﺘﺤﻘﻴﻖ ﺍﻟﻠﻘﺐ ﺍﻻﻓﺮﻳﻘﻲ ﻫﺬﺍ ﺍﻟﻌﺎﻡ . • ﺑﻄﻮﻟﺔ ﻻ ﻓﻴﻬﺎ ﺍﻻﻫﻠﻲ ﺍﻟﻤﺼﺮﻱ ﻭﻻ ﻓﻴﻬﺎ ﺍﻟﺘﺮﺟﻲ ﻭﻻ ﻓﻴﻬﺎ ﺍﻟﻮﺩﺍﺩ . • ﺍﻋﻠﻲ ﻣﺎ ﻓﻴﻬﺎ ﻣﺎﺯﻣﺒﻲ ﻭﻭﻓﺎﻕ ﺍﺳﻄﻴﻒ . • ﻣﻊ ﻭﺿﻊ ﻓﻲ ﺍﻻﻋﺘﺒﺎﺭ ﺍﻥ ﻣﺎﺯﻣﺒﻲ ﻣﺎ ﻣﺎﺯﻣﺒﻲ ﻭﻭﻓﺎﻕ ﺍﺳﻄﻴﻒ ﻣﺎ ﻭﻓﺎﻕ ﺍﺳﻄﻴﻒ . • ﺍﺫﺍ ﻟﻢ ﻳﺤﻘﻖ ﺍﻟﻬﻼﻝ ﺍﻟﺒﻄﻮﻟﺔ ﻫﺬﺍ ﺍﻟﻌﺎﻡ ﻋﻤﺮﻭ ﺗﺎﻧﻲ ﻣﺎ ﺡ ﻳﺤﻘﻘﻬﺎ . • ﺍﻟﻤﺮﻳﺦ ﻳﻤﻜﻦ ﻳﺸﻜﻞ ﻣﻨﺎﻓﺴﺔ ﻣﻊ ﺍﻟﻬﻼﻝ ﻋﻠﻰ ﺍﻟﻠﻘﺐ .. ﻟﻜﻦ (ﺍﻟﻤﺮﻳﺦ ) ﻣﺎ ﻓﺮﻳﻖ ﺑﻄﻮﻻﺕ . • ﺍﻟﻤﺮﻳﺦ ﺑﻴﺠﻲ ﻳﻨﺎﻫﺮ ﻓﻲ ﺍﺧﺮ ﻟﺤﻈﺔ . • ﻧﺤﻦ ﺍﻟﻤﺠﻤﻮﻋﺎﺕ ﺩﻱ ﻋﻨﺪﻧﺎ ﻓﻴﻬﺎ ( ﺧﺒﺮﺍﺕ ) ﻃﻮﻳﻠﺔ . • ﻛﻤﺎ ﺗﺘﻜﻮﻥ ﺗﺸﻜﻴﻠﺔ ﺍﻟﻬﻼﻝ ﻣﻦ ﺗﻮﻟﻴﻔﺔ ﻣﺨﺘﻠﻔﺔ ﻭﻣﺘﻨﻮﻋﺔ .. ﻭﻣﻮﺍﻫﺐ ﻣﺘﻌﺪﺩﺓ . • ﻫﺬﺍ ﺍﻟﺘﻮﻗﻴﺖ ﺍﻻﻣﺜﻞ ﻟﻠﻬﻼﻝ ﻟﻠﻔﻮﺯ ﺑﺎﻟﻠﻘﺐ . • ﺧﻠﻮﻧﺎ ﻧﻘﻮﻝ ﻫﺬﺍ ﺍﻟﺘﻮﻗﻴﺖ ﺍﻻﻣﺜﻞ ﻟﻠﻘﻤﺔ ﺍﻟﺴﻮﺩﺍﻧﻴﺔ ﻟﻠﻔﻮﺯ ﺑﺎﻟﻠﻘﺐ . • ﻣﺎ ﺗﻘﻌﺪﻭﺍ ﺗﻄﻴﻌﻮﺍ ﻣﺠﻬﻮﺩﺍﺗﻜﻢ ﺳﺎﻛﺖ . • ﻻﺯﻡ ﺍﻟﻘﻤﺔ ﺍﻟﺴﻮﺩﺍﻧﻴﺔ ﺗﻌﺮﻑ ﺍﻧﻬﺎ ﺑﺘﻠﻌﺐ ﻣﻦ ﺍﺟﻞ ﺍﻟﻠﻘﺐ . • ﻭﺍﻥ ﺍﻟﺒﻄﻮﻻﺕ ﻻ ﺗﺤﻘﻖ ﺑﺎﻻﺩﺍﺀ ﺍﻟﺠﻴﺪ .. ﻭﺍﻟﺨﺴﺎﺋﺮ . • ﺍﻻﻧﺘﺼﺎﺭ ﺧﺎﺭﺝ ﺍﻟﺪﻳﺎﺭ ﻫﻮ ﺍﻟﻄﺮﻳﻖ ﺍﻻﻣﺜﻞ ﻟﻠﻔﻮﺯ ﺑﺎﻟﻠﻘﺐ . • ﺍﻟﻬﻼﻝ ﺍﻵﻥ ﻣﻄﻠﻮﺏ ﻣﻨﻪ ﺍﻟﻔﻮﺯ ﻋﻠﻰ ﻣﺎﺯﻣﺒﻲ .. ﺍﻭﻝ ﺣﺎﺟﺔ ﻋﺎﻭﺯﻳﻦ ﻧﻜﺴﺮ (ﺷﻮﻛﺔ ) ﻣﺎﺯﻣﺒﻲ . • ﺍﻟﻤﺮﻳﺦ ﺍﺻﻼ ﻛﺎﺳﺮﻳﻦ ﺷﻮﻛﺘﻮ . • ﺍﻟﻤﺮﻳﺦ ﺑﻲ ﺍﺗﺤﺎﺩﻭ ﻭﺣﻜﺎﻣﻮ ﻭﺣﻜﻮﻣﺘﻮ .. ﻧﺤﻦ ﺑﻨﻔﻮﺯ ﻋﻠﻴﻪ ﻭﺑﻨﺤﻘﻖ ﻋﻠﻴﻪ ﺍﻧﺘﺼﺎﺭﺍﺕ ﻋﺮﻳﻀﺔ . • ﺍﻟﻬﻼﻝ ﻗﺎﺩﺭ ﺑﺎﺫﻥ ﺍﻟﻠﻪ ﻭﻓﻀﻠﻪ ﺍﻥ ﻳﻌﻮﺩ ﺑﺎﻧﺘﺼﺎﺭ ﻋﻠﻰ ﻣﺎﺯﻣﺒﻲ . • ﻋﺎﻭﺯﻳﻦ ﻧﻨﺘﺼﺮ ﻣﻦ ﺍﻭﻝ ﻣﺒﺎﺭﺍﺓ ..ﻭﺧﺎﺭﺝ ﺍﻟﺪﻳﺎﺭ .. ﻋﺸﺎﻥ ﻧﺤﺴﻢ ﻣﻮﺿﻮﻉ ﺍﻟﻠﻘﺐ ﻣﻦ ﺍﻭﻝ ﺟﻮﻟﺔ . • ﻣﻬﻢ ﺟﺪﺍ ﺍﻥ ﻧﻠﻌﺐ ﻣﻦ ﺍﻭﻝ ﺩﻗﻴﻘﺔ ﻣﻦ ﺍﺟﻞ ﺍﻟﺒﻄﻮﻟﺔ . • …………… ﻭ • ﺍﻟﻬﻼﻝ ﺑﻌﺪ ﻣﺒﺎﺭﺍﺓ ﻣﺎﺯﻣﺒﻲ ﺳﻮﻑ ﻳﻠﻌﺐ ﺍﻣﺎﻡ ﺍﻻﻣﻞ ﻋﻄﺒﺮﺓ ﻓﻲ ﻋﻄﺒﺮﺓ . • ﺗﺨﻠﻒ ﻣﻦ ﺑﻌﺜﺔ ﺍﻟﻬﻼﻝ ﻭﻟﻴﺪ ﺍﻟﺸﻌﻠﺔ ﻭﺳﻴﺪﻱ ﺑﻴﻪ ﻭﺍﺧﺮﻭﻥ . • ﻳﺠﺐ ﺍﻥ ﻳﻌﺪﻭﺍ ﻫﺆﻻﺀ ﺍﻟﻨﺠﻮﻡ ﻟﻤﺒﺎﺭﺍﺓ ﺍﻻﻣﻞ ﺑﺼﻮﺭﺓ ﺧﺎﺻﺔ . • ﺑﻌﺜﺔ ﺍﻟﻬﻼﻝ ﺳﻮﻑ ﺗﻌﻮﺩ ﻣﺮﻫﻘﺔ . • ﻭﻧﺠﻮﻡ ﺍﻟﻬﻼﻝ ﺍﻟﺬﻳﻦ ﺗﺨﻠﻔﻮﺍ ﻋﻦ ﺍﻟﺒﻌﺜﺔ ﺳﻮﻑ ﻳﻜﻮﻧﻮﺍ ﺍﻛﺜﺮ ﺟﺎﻫﺰﻳﺔ ﻭﻗﺎﺑﻠﻴﺔ ﻟﻤﺒﺎﺭﺍﺓ ﺍﻻﻣﻞ ﻋﻄﺒﺮﺓ . • ﺍﻟﻬﻼﻝ ﻋﻠﻴﻪ ﺍﻥ ﻻ ﻳﻔﺮﻁ ﻓﻲ ﺍﻟﻤﻤﺘﺎﺯ . • ﺍﻟﻤﻤﺘﺎﺯ ﺩﺍ ﻧﺤﻦ ﻣﺎ ﺑﻨﻘﺒﻞ ﻓﻴﻪ ﺣﺎﺟﺔ . • …………….. • ﺍﻟﺴﻴﺪﺓ ( ﻝ ) .. ﺭﻳﺤﺔ ﺍﻟﺨﺒﻴﺰ ﻃﻠﻌﺖ . • ﻭﻗﺮّﺽ ﻋﻠﻰ ﻛﺪﺍﺩﻕ ﺍﻟﺪﻟﺠﺔ | ﻣﺤﻤﺪ ﻋﺒﺪ ﺍﻟﻤﺎﺟﺪ | ﺟﺮﺑﻮﺍ ( ﺍﻟﻄﺐ ﺍﻟﺒﻠﺪﻱ
Alcenter sports sudan
عدد زيارات الموقع
