المصدر: ﻧﺎﺱ ﺍﻟﻤﺮﻳﺦ ﺩﻳﻞ – ﻟﻮ ﻗﺎﻣﻮﺍ ﻃﺒﻘﻮﺍ ﻧﻈﺮﻳﺔ ‏( ﺳﻠﻚ ‏) ﺑﺮﺗﺎﺣﻮ ﻓﻲ ‏( ﻋﻀﻤﻬﻢ ‏) ﺩﺍ . • ﻫﻢ ﻋﻨﺪﻫﻢ ‏(ﻋﻀﻢ ‏) . • ﻋﻀﻤﻬﻢ ﻛﻠﻮ ﺑﻘﻰ ﻣﻦ ‏( ﺍﻟﻬﻼﻝ ‏) . • ﺗﺴﺠﻴﻼﺕ ﺍﻟﻤﺮﻳﺦ ﺑﻘﻰ ﻳﺤﺪﺩﻫﺎ ﻋﻼﺀﺍﻟﺪﻳﻦ ﻳﻮﺳﻒ ﻭﺑﻜﺮﻱ ﺍﻟﻤﺪﻳﻨﺔ – ‏(ﺷﻐﻞ ﺍﺻﺤﺎﺏ – ﺍﺻﺤﺎﺏ ‏) . • ﺍﻧﺘﻮﺍ ﻭﻗﺖ ﺍﻟﻬﻼﻝ ﺩﺍ ﻋﺎﺟﺒﻜﻢ ﻛﺪﺍ – ﺑﺘﻐﺎﻟﻄﻮﺍ ﻣﺎﻟﻜﻢ؟ . • ﺍﻟﺒﻘﻌﺪﻛﻢ ﻣﻊ ﺍﻟﺠﻤﺎﻋﺔ ﺩﻳﻞ ﺷﻨﻮ؟ . • ﺗﻌﺎﻟﻮﺍ ﻟﻴﻨﺎ ﺑﺎﻟﺒﺎﺏ ﻋﺪﻳﻞ – ﺑﺪﻝ ﻣﺎ ﺗﺠﻮﻧﺎ ﺑـ ‏( ﺍﻻﻫﻠﻲ ﺍﻟﺨﺮﻃﻮﻡ ‏) . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏( ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﺍﻟﻠﻪ ﺷﺎﻑ ‏( ﺭﻣﻀﺎﻥ ﻋﺠﺐ ‏) ﻣﻦ ﻗﻔﻠﺔ ﺍﻟﺴﻴﺴﺘﻢ . • ﻋﻨﺪﻛﻢ ‏( ﺳﻴﺴﺘﻢ ‏) ﺯﻱ ﺍﻟﻤﻮﺑﺎﻳﻞ ﺍﻟﺼﻴﻨﻲ ..ﻳﻘﻔﻞ ﺑﺮﺍﻫﻮ . • ﻣﻦ ﻏﻴﺮ ﺳﺒﺐ . • ﻧﺎﺱ ﺍﻟﻤﺮﻳﺦ ﺩﻳﻞ ﻟﻮ ﻋﻤﻠﻮﺍ ﺑﻲ ﻧﻈﺮﻳﺔ ﺳﻠﻚ – ﻣﺎ ﻛﺎﻥ ﺍﺣﺘﺠﻨﺎ ﻛﺘﺒﻨﺎ ﺍﻟﻌﻤﻮﺩ ﺩﺍ . • ﻛﺎﻧﻮﺍ ﺭﻳﺤﻮﻧﺎ ﻣﻦ ﻛﻼﻡ ﻣﺎﻣﻮﻥ ﺍﺑﻮﺷﻴﺒﺔ ﺍﻟﻴﻮﻣﺎﺗﻲ ﻓﻲ ‏(ﺍﻟﺘﺤﻜﻴﻢ ‏) . • ﻭﻋﻨﺪﻧﺎ ‏( ﺿﺮﺑﺔ ﺟﺰﺍﺀ ‏) ﺍﻟﺤﻜﻢ ﻣﺎ ﺍﺣﺘﺴﺒﻬﺎ ﻟﻴﻨﺎ . • ﻧﺤﻦ ﺍﻟﻜﻼﻡ ﺍﻟﻘﺮﻳﻨﺎﻫﻮ ﻓﻲ ‏( ﺿﺮﺑﺔ ﺟﺰﺍﺀ ‏) ﻭﻫﻤﻴﺔ ﺍﺭﺗﻜﺒﻬﺎ ﺃﺣﻤﺪ ﺍﻟﻨﻮﺭ ﻣﻊ ﻋﺒﺪﺍﻟﻤﺠﻴﺪ ﺟﻌﻔﺮ ﻋﻦ ﻣﻌﺮﻛﺔ ‏(ﺍﻡ ﺩﺑﻴﻜﺮﺍﺕ ‏) ﻣﺎ ﻗﺮﻳﻨﺎﻫﻮ . • ﻟﻮ ﺍﻟﻤﺮﻳﺨﺎﺏ ﺍﺧﺘﺼﺮﻭﺍ ﻟﻴﻨﺎ ﺍﻟﻄﺮﻳﻖ . • ﻭﻗﺎﻣﻮﺍ ﺑﻲ ﺣﺮﻓﻨﺔ ﻛﺪﺍ – ﺍﻭ ﺑﻲ ‏( ﺍﺳﻤﺎﻋﻴﻞ ﺣﺴﻦ ‏) ﻧﺰﻟﻮﺍ ﻻﻓﺘﺔ ‏( ﻧﺎﺩﻱ ﺍﻟﻤﺮﻳﺦ ‏) ﻭﻗﺎﻣﻮﺍ ﺭﻓﻌﻮﺍ ‏( ﻗﺪﻣﺎﺀ ﻻﻋﺒﻲ ﺍﻟﻬﻼﻝ ‏) ﻳﻜﻮﻥ ﺍﺣﺴﻦ . • ﻓﻴﻬﺎ ﺷﻨﻮ؟ . • ﻣﺎ ﻓﻴﻬﺎ ﺣﺎﺟﺔ . • ﺑﺪﻝ ﺍﻟﺘﺤﺎﻳﻞ ﺍﻟﺒﺘﻌﻤﻠﻮﺍ ﻓﻴﻪ ﺩﺍ . • ﺍﻟﺠﺎﺑﺮﻛﻢ ﺷﻨﻮ ﻋﻠﻰ ﺍﻟﻀﺮﺍﺋﺐ ﺩﻱ؟ . • ﻭﻧﻘﺔ ﺍﻟﻨﺎﺱ . • ﻭﻛﻼﻡ ﺍﻻﻋﻼﻡ . • ﺍﻟﺠﺎﺑﺮﻛﻢ ﺷﻨﻮ ﻓﻲ ﺍﻟﺤﺎﻟﺔ ‏(ﺍﻟﺘﻨﻜﺮﻳﺔ ‏) ﺍﻟﻌﺎﻳﺸﻴﻦ ﻓﻴﻬﺎ ﺩﻱ؟ . • ﻋﺎﻳﺸﻴﻦ ﻓﻲ ‏( ﻛﻀﺒﺔ ‏) ﻛﺒﻴﺮﺓ . • ﻋﺎﻳﺸﻴﻦ ﻓﻲ ﺟﻠﺒﺎﺏ ﺍﻟﻬﻼﻝ – ﻭﺑﺘﻐﺎﻟﻄﻮﺍ ﻓﻴﻨﺎ . • ﻧﺰﻟﻮﺍ ﻻﻓﺘﺔ ﺍﻟﻤﺮﻳﺦ ﻭﺍﺭﻓﻌﻮﺍ ﻻﻓﺘﺔ ‏( ﻗﺪﻣﺎﺀ ﻻﻋﺒﻲ ﺍﻟﻬﻼﻝ ‏) . • ﻣﺎ ﻓﻲ ﺯﻭﻝ ﺑﻴﺴﺄﻟﻜﻢ؟ . • ﻣﺎ ﺑﻨﻘﻮﻝ ﻟﻴﻜﻢ ﺍﺩﻓﻌﻮﺍ ﻓﺮﻕ . • ﻭﻻ ﺑﻨﺴﺄﻟﻜﻢ ﻣﻦ ‏( ﺍﻟﻠﻮﻥ ‏) . • ﺡ ﻧﻤﺸﻲ ﺍﻟﻤﻮﺿﻮﻉ ﻋﺎﺩﻱ . • ﺍﺣﺴﻦ ﺗﺸﺘﻐﻠﻮﺍ ﻟﻴﻨﺎ ﻓﻲ ‏( ﺍﻟﻨﻮﺭ ‏) ..ﺑﺪﻝ ‏( ﺍﻟﺪﻏﻤﺜﺔ ‏) ﺍﻟﺒﺘﻌﻤﻠﻮﺍ ﻟﻴﻨﺎ ﻓﻴﻬﺎ ﺩﻱ . • ﻣﻌﻘﻮﻟﺔ ﻳﺎ ﺟﻤﺎﻋﺔ . • ﻧﺤﻦ ‏( ﻋﻤﺮ ﺑﺨﻴﺖ ‏) ﺩﺍ ﺟﺒﻨﺎﻩ ‏( ﺷﺎﻓﻊ ‏) ﻣﻦ ﺍﻟﺠﺮﻳﻒ ﺑﻲ ‏(ﺷﻨﻄﺔ ﺍﻟﻤﺪﺭﺳﺔ ‏) ﻭﺳﺠﻠﻨﺎﻩ ﻓﻲ ﺍﻟﻬﻼﻝ . • ﺗﺠﻮﺍ ﺍﻧﺘﻮﺍ ﺑﻌﺪ ‏( 14 ‏) ﺳﻨﺔ ﺗﺴﺠﻠﻮﻩ ﻓﻲ ﺍﻟﻤﺮﻳﺦ . • ﻣﺎ ﺑﺘﺨﺠﻠﻮﺍ . • ﻣﺎ ﺑﺘﺘﻌﻠﻤﻮﺍ . • ﺍﻻﻳﺎﻡ ﺩﻱ ﻣﺎ ﺑﺘﻌﻠﻤﻜﻢ . • ﺍﻟﻤﺪﺍﺭﺱ ﺍﻟﻘﺮﻳﺘﻮﻫﺎ ﺩﻱ .. ﻛﺎﻥ ﺑﺪﺭﺳﻮﻛﻢ ﻓﻴﻬﺎ ‏(ﺑﻴﺘﺰﺍ ‏) . • ﺩﺍ ﺷﻨﻮ ﺩﺍ؟ . • ﻫﻴﺜﻢ ﻣﺼﻄﻔﻰ ﻗﻌﺪ ﺳﻨﺔ ﻓﻲ ﺑﻴﺘﻬﻢ .. ﻗﺎﻝ ﻣﺎ ﺑﻠﻌﺐ . • ﺍﻻﻫﻠﻲ ﺷﻨﺪﻱ ﻭﻻ ﺍﻟﻤﺮﻳﺦ . • ﻛﺮﺍﻣﺔ ﻣﺎ ﻋﻨﺪﻛﻢ . • ﺍﺣﺴﺎﺱ ﺳﺎﻛﺖ ﻛﺪﺍ ﻣﺎ ﻓﻲ . • ﺗﺮﺍﻭﺭﻱ ‏( 6 ‏) ﺷﻬﻮﺭ ﻣﺎ ﻇﻬﺮ . • ﻟﻤﻦ ﺳﻤﻦ . • ﺑﻘﻰ ﻳﻌﻤﻞ ﻓﻲ ﺍﻟﻤﺆﺗﻤﺮﺍﺕ ﺍﻟﺼﺤﻔﻴﺔ . • ﻭﺍﻧﺘﻮﺍ ﻭﻻ ﻫﻨﺎ . • ﻭﺍﻟﻤﻌﺰ ﻣﺤﺠﻮﺏ ﻣﻦ ﻗﻌﺎﺩ ﺍﻟﻜﻨﺒﺔ ﺑﻘﻰ ﺯﻱ ‏( ﺍﻟﺤﻜﻢ ﺍﻟﺮﺍﺑﻊ ‏) . • ﻣﺎ ﺑﺘﺸﻮﻓﻮ ﺇﻟّﺎ ﻓﻲ ﺍﻟﺰﻣﻦ ﺍﻟﺒﺪﻝ ﺍﻟﻀﺎﺋﻊ . • ﺍﻟﻤﻌﺰ ﻣﺤﺠﻮﺏ ﻣﻦ ‏( ﺣﺎﺭﺱ ﻣﺮﻣﻲ ‏) ﺍﻟﻰ ‏( ﺣﺎﺭﺱ ﺍﻟﻜﻨﺒﺔ ‏) . • ﻭﺑﺘﻜﻠﻤﻮﺍ ﻋﻦ ﺍﻟﻬﻼﻝ . • ﻓﻰ ﻗﻮﺓ ﻋﻴﻦ ﺍﻛﺘﺮ ﻣﻦ ﻛﺪﺍ . • ﻭﺑﻜﺮﻱ ﺍﻟﻤﺪﻳﻨﺔ ﻫﺴﻊ ﺩﻱ – ﻛﺎﻥ ﻭﺍﻗﻒ ‏( 6 ‏) ﻣﺒﺎﺭﻳﺎﺕ . • ﺑﻌﺪ ﺩﺍ ﻛﻠﻮ ﺗﺠﻴﺒﻮﺍ ‏( ﻋﻤﺮ ﺑﺨﻴﺖ ‏) ﺍﻟﺴﺎﻋﺔ 12 ﻭﺗﺴﺠﻠﻮﻩ . • ﺍﻧﺘﻮﺍ ﻣﺎ ﺧﺠﻼﻧﻴﻦ . • ﻟﻮ ﻣﺎ ﺣﺎﺳﻴﻴﻦ ﺍﻧﻜﻢ ﺑﺘﻌﻤﻠﻮﺍ ﻓﻲ ﺣﺎﺟﺔ ﻏﻠﻂ … ﻛﺎﻥ ﺟﺒﺘﻮﻩ ﺍﻟﺴﺎﻋﺔ ‏(12 ‏) ﻟﻴﻼ . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏( ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﻟﻮ ﺍﻟﻠﻪ ﻣﺪ ﻓﻲ ﺍﻻﻋﻤﺎﺭ ‏( ﻧﺰﺍﺭ ﺣﺎﻣﺪ ‏) ﺩﺍ ﺑﻌﺪ ‏(21 ‏) ﺳﻨﺔ ﺑﻜﻮﻥ ﻓﻲ ﺍﻟﻤﺮﻳﺦ . • ﻭﻟﻴﺪ ﺍﻟﺸﻌﻠﺔ ﺑﻌﺪ ‏(25 ‏) ﺳﻨﺔ . • ﻭﻟﻴﺪ ﻋﻼﺀﺍﻟﺪﻳﻦ ﺑﻌﺪ ‏(26 ‏) ﺳﻨﺔ . • ﻣﺤﻤﺪ ﻋﺒﺪﺍﻟﺮﺣﻤﻦ ﺑﻌﺪ ‏(24 ‏) ﺳﻨﺔ ﺑﻜﻮﻥ ﻓﻲ ﺍﻟﻤﺮﻳﺦ . • ﺍﻃﻬﺮ ﺍﻟﻄﺎﻫﺮ ﺑﻌﺪ ‏( 23 ‏) ﺳﻨﺔ . • ﺍﻟﺜﻌﻠﺐ ﺍﻟﺼﻌﺪﻭﻩ ﺍﻣﺲ ﺍﻻﻭﻝ ﺑﻌﺪ ‏(27 ‏) ﺳﻨﺔ ﺑﻜﻮﻥ ﻓﻲ ﺍﻟﻤﺮﻳﺦ . • ﻣﺎ ﺗﺸﻴﻠﻮﺍ ﻫﻢ . • ﺍﻟﺴﻨﻴﻦ ﺑﺘﺠﺮﻱ ﺳﺮﻳﻊ . • ﻫﺴﻊ ﺑﺘﻠﻒ . • ﺩﻳﻞ ﻻﻋﺐ ﺍﻟﻬﻼﻝ ﻟﻮ ﻣﺸﻰ ﺍﻻﻫﻠﻲ ﺍﻟﺨﺮﻃﻮﻡ ﺑﻨﺘﻈﺮﻭﻩ ‏( 6 ‏) ﺷﻬﻮﺭ ﻭﻳﺠﻴﺒﻮﻩ ﻟﻠﻤﺮﻳﺦ . • ﻳﻌﻨﻲ ‏( ﻣﺠﺪﻱ ﻣﺮﺟﺎﻥ ‏) ﻟﻮ ﺷﺎﻓﻮﻩ ﻓﻲ ‏( ﺧﻤﺎﺳﻴﺎﺕ ‏) ﺳﺎﻛﺖ ﺑﺠﻴﺒﻮﻩ ﻳﺴﺠﻠﻮﻩ ﻓﻲ ﺍﻟﻤﺮﻳﺦ . • ﻭﻟﻴﺪ ﻃﺎﺷﻴﻦ ﻟﻮ ﺷﺎﻓﻮﻩ ‏( ﺟﺎﻛﻲ ‏) ﻓﻲ ﺷﺎﺭﻉ ﺍﻟﻨﻴﻞ ..ﺑﻴﺸﻄﺒﻮﺍ ﻟﻴﻪ ‏( ﺭﻣﻀﺎﻥ ﻋﺠﺐ ‏) . • ﻭﺍﺣﺪ ﻗﺎﻝ ﻟﻲ ﺍﻧﺖ ﻧﺎﺱ ﺍﻟﻤﺮﻳﺦ ﻟﻴﻪ ﻣﺎ ﺍﻋﺎﺩﻭﺍ ﺗﺴﺠﻴﻞ ‏( ﺍﻣﻴﺮ ﻛﻤﺎﻝ ‏) ؟ . • ﻗﻠﺖ ﻟﻴﻪ ﺍﻣﻴﺮ ﻛﻤﺎﻝ ﻋﺎﻭﺯ ﻟﻴﻪ ﺳﺒﻌﺔ ﻣﻠﻴﺎﺭ ﺟﻨﻴﻪ . • ﻭﺳﺒﻌﺔ ﻣﻠﻴﺎﺭ ﺟﻨﻴﻪ ﺑﺘﺠﻴﺐ ﻟﻴﻬﺎ ‏(14 ‏) ﻋﻤﺮ ﺑﺨﻴﺖ ﻏﻴﺮ ﺍﻟﺰﻳﺎﺩﺓ ‏(ﺳﻴﻼ ‏) . • ﺍﻟﻼﻋﺐ ﺑﺪﺧﻞ ﻛﺸﻮﻓﺎﺕ ﺍﻟﻤﺮﻳﺦ ﻓﻲ ﺣﺎﻟﺘﻴﻦ . • ﻳﺎ ﻳﻜﻮﻥ ﺳﺒﻖ ﻟﻪ ﺍﻟﻠﻌﺐ ﻓﻲ ﺍﻟﻬﻼﻝ ‏( ﻭﺩﻱ ﺷﻬﺎﺩﺓ ﻋﻠﻴﺎ ‏) . • ﻳﺎ ﻳﻜﻮﻥ ‏( ﻣﺼﺎﺏ ‏) . • ﺳﻴﻼ ﺩﺍ ﺍﻟﻌﺎﺟﺒﻜﻢ ﻓﻴﻪ ﺷﻨﻮ؟ . • ﺯﻭﻝ ‏( 6 ‏) ﺷﻬﻮﺭ ﻣﺎ ﺭﻓﻊ ﻟﻴﻪ ﻛﻮﺭﺓ . • ﻧﺴﻰ ﺍﻟﻜﻮﺭﺓ . • ﻭﻓﻜﺖ ﻣﻨﻮ؟ . • ﺟﺎﻳﺒﻨﻮ ﺗﺘﻤﻮ ﺑﻪ ‏( ﺍﻟﻜﻨﺒﺔ ‏) . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏( ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﻟﻮ ﻛﻨﺘﻮﺍ ﻋﺎﻭﺯﻳﻦ ﻧﺼﻴﺤﺘﻲ ﻛﺎﻥ ﺗﺴﺠﻠﻮﺍ ‏( ﺣﻤﻮﺩﺓ ﺑﺸﻴﺮ ‏) . • ﻋﻤﺮ ﺑﺨﻴﺖ ﻭﺣﻤﻮﺩﺓ ﺑﺸﻴﺮ ﺑﺮﺟﻌﻮﺍ ﻟﻴﻚ ﻭﺳﻂ ﺍﻟﻬﻼﻝ ﺳﻨﺔ .2010 • ﻣﺮﻳﺨﺎﺑﻲ ﺯﻋﻼﻥ . • ﻃﺎﻟﻊ ﻣﻦ ﺑﻴﺘﻬﻢ ﻳﻮﻡ ﺍﻟﺠﻤﻌﺔ ﺍﻟﻌﺼﺮ . • ﻗﺎﻝ ﻟﻲ ﻧﺤﻦ ﺍﻟﻈﺎﻫﺮ ﺍﺗﻤﻘﻠﺒﻨﺎ . • ﻗﻠﺖ ﻟﻴﻪ ﻛﻴﻒ ﺍﻟﻜﻼﻡ ﺩﺍ؟ . • ﻗﺎﻝ ﻟﻲ ﺍﻟﻈﺎﻫﺮ ﻧﺤﻦ ‏( ﺍﻟﺮﺻﻴﺪ ‏) ﺍﻟﻘﺎﻋﺪﻳﻦ ﻧﺤﻮﻝ ﻓﻴﻪ ﺩﺍ – ﻗﺎﻋﺪﻳﻦ ﻧﺤﻮﻝ ﻓﻴﻪ ﺑﺎﻟﻐﻠﻂ . • ﺍﻟﺮﺻﻴﺪ ﺩﺍ ﺍﻟﻈﺎﻫﺮ ﺑﻨﺤﻮﻝ ﻓﻴﻪ ﻟﻲ ﻧﺎﺱ ﺍﻟﻬﻼﻝ . • ﺟﺎﺑﻮﺍ ﻟﻴﻬﻢ ﺑﺮﺯﺍﻳﻠﻴﻴﻦ ﻭﺟﺎﺑﻮﺍ ﻟﻴﻨﺎ ﻋﻤﺮ ﺑﺨﻴﺖ . • ﺭﺻﻴﺪﻧﺎ ﺩﺍ ﻟﻮ ﻛﺎﻥ ﺑﻤﺸﻲ ﻟﻲ ﻧﺎﺱ ﺍﻟﻤﺮﻳﺦ – ﻣﺎ ﻛﺎﻥ ﺑﺴﺠﻠﻮﺍ ‏( ﻋﻤﺮ ﺑﺨﻴﺖ ‏) . • ﺍﻟﻤﺮﻳﺦ ﺑﻘﻰ ﺯﻱ ﻧﺎﺩﻱ ﺍﻟﻤﺸﺎﻫﺪﺓ . • ﻧﺎﺱ ﻗﺎﻋﺪﺓ ﺳﺎﻛﺖ . • ﻓﺮﻳﻖ ﻛﻞ ﻣﺼﺎﺑﻴﻦ . • ﻣﻦ ﺳﻴﻼ ﻟﻲ ﺍﻛﺮﺍ . • ﻻﻋﺐ ﻣﺼﺎﺏ – ﻭﻻﻋﺐ ﻣﺘﻤﺮﺩ . • ﻭﻻﻋﺐ ﺍﻟﻤﺪﺭﺏ ﻗﺎﻝ ﻟﻴﻬﻢ ﻓﻲ ﺍﺳﺘﺮﺍﺣﺔ ﺍﻟﻼﻋﺒﻴﻦ ﻣﺎ ﻋﺎﻭﺯ ﺍﺷﻮﻓﻮ . • ﻓﺮﻳﻘﻜﻢ ﺑﻘﻰ ﺯﻱ ‏(ﺍﻟﻔﻴﻠﻢ ﺍﻻﺟﻨﺒﻲ ‏) – ﺍﻟﻮﺍﺣﺪ ﻟﻮ ﻣﺎ ﺷﺎﻑ ‏( ﺍﻟﺘﺮﺟﻤﺔ ‏) ﻣﺎ ﺑﻔﻬﻢ ﺍﻱ ﺣﺎﺟﺔ . • ﺑﻔﺘﻜﺮﻭ ﺍﻟﻬﻼﻝ . • ﻳﻌﻨﻲ ﺑﻲ ﺑﺴﺎﻃﺔ ﻛﺪﺍ – ﺍﻟﻤﺮﻳﺦ ﻟﻤﻦ ﻳﻜﻮﻥ ﻻﻋﺐ ﻣﺒﺎﺭﺍﺓ ﻣﻊ ﻫﻼﻝ ﻛﺎﺩﻭﻗﻠﻲ – ﺡ ﺗﻘﻌﺪ ﺳﺎﻋﺔ ﻭﻧﺺ ‏( ﺗﻠﻒ ﻓﻲ ﺍﻟﻄﺒﻖ ‏) . • ﻳﻘﻮﻟﻮﺍ ﻟﻴﻚ ﻳﺎ ﺯﻭﻝ ﻣﺎﻟﻚ؟ . • ﺗﻘﻮﻝ ﻟﻴﻬﻢ – ﻟﻔﻴﺖ ‏( ﺍﻟﻄﺒﻖ ‏) ﻏﻠﻂ … ﺑﺪﻝ ﻣﺒﺎﺭﺍﺓ ﺍﻟﻤﺮﻳﺦ – ﺟﺎﺏ ﻟﻲ ﻣﺒﺎﺭﺍﺓ ﻟﻠﻬﻼﻝ ﺳﻨﺔ .2007 • ﺗﺨﺶ ﻣﺒﺎﺭﺍﺓ ﻟﻠﻤﺮﻳﺦ . • ﺑﻲ ﻛﻞ ﺣﺴﻦ ﻧﻴﺔ . • ﻭﺗﻘﻌﺪ ﻓﻲ ﻣﺴﺎﻃﺐ ﺍﻟﻬﻼﻝ . • ﻭﻗﺖ ﺍﻟﺤﻜﻢ ﻳﻤﻨﺢ ‏( ﻋﻤﺮ ﺑﺨﻴﺖ ‏) ﻛﺮﺕ ﺍﺻﻔﺮ … ﻣﺪﺭﺟﺎﺕ ﺍﻟﻬﻼﻝ ﻛﻠﻬﺎ ﺗﻘﻮﻡ ﺗﻬﺘﻒ ‏(ﺍﻟﺘﺤﻜﻴﻢ ﻓﺎﺷﻞ ‏) . • ﻭﻗﺖ ﺍﻟﺤﻜﻢ ﻳﻄﺮﺩ ‏(ﺑﻜﺮﻱ ﺍﻟﻤﺪﻳﻨﺔ ‏) . • ﺟﻤﻬﻮﺭ ﺍﻟﻬﻼﻝ ﻳﺠﺪﻉ ﺑﺎﻟﺤﺠﺎﺭﺓ . • ﺑﻘﻴﺘﻮﺍ ﺗﻠﺨﺒﻄﻮﺍ ﺍﻟﺰﻭﻝ . • ﺗﻔﺘﺢ ﺍﻟﻤﺒﺎﺭﺍﺓ ﻓﻲ ﺍﻟﺘﻠﻔﺰﻳﻮﻥ . • ﺗﻤﺸﻲ ﺍﻟﺪﻛﺎﻥ ﻭﺗﺮﺟﻊ – ﺗﻌﺎﻳﻦ ﻟﻠﻜﻨﺒﺔ ﺗﻠﻘﻰ ‏( ﺍﻟﻤﻌﺰ ﻣﺤﺠﻮﺏ ‏) . • ﺗﻌﺎﻳﻦ ﺟﻮﺓ ﺗﻠﻘﻰ ‏( ﻋﻤﺮ ﺑﺨﻴﺖ ‏) . • ﺗﺘﻠﻔﺖ ﻳﻤﻴﻦ ﺗﻠﻘﻰ ‏( ﺗﺮﺍﻭﺭﻱ ‏) . • ﺗﺼﻨﻘﻊ ﻓﻮﻕ ﺗﻠﻘﻰ ‏( ﻋﻼﺀﺍﻟﺪﻳﻦ ﻳﻮﺳﻒ ‏) . • ﺗﻌﺎﻳﻦ ﻓﻲ ﺍﻟﻤﺪﺭﺟﺎﺕ ﺗﻠﻘﻰ ‏( ﺍﺣﻤﺪ ﺍﻟﺒﺎﺷﺎ ‏) . • ﺗﻤﺸﻲ ﻗﺪﺍﻡ ﺗﺸﻮﻑ ‏( ﺑﻜﺮﻱ ﺍﻟﻤﺪﻳﻨﺔ ‏) . • ﺗﻘﻮﻝ ﻟﻴﻬﻢ ﺍﻟﻤﺮﻳﺦ ﺩﺍ ﻣﺎﻟﻮ ﺑﻘﻰ ﺯﻱ ‏(ﺍﻟﻔﻮﻝ ‏) ﺍﻟﺒﻘﻠﺒﻮ ﻓﻴﻪ ‏( ﻛﺒﺪﺓ ‏) . • ﻗﺪﺭ ﻣﺎ ﺗﻘﻠﺐ ‏(ﺍﻟﻜﺒﺪﺓ ‏) ﻓﻲ ﺍﻟﻔﻮﻝ – ﻃﻌﻢ ﺍﻟﻔﻮﻝ ﻣﺎ ﻋﺎﻭﺯ ﻳﺘﻐﻴﺮ . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏( ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﻋﻤﺮ ﺑﺨﻴﺖ ﻓﻲ ﺍﻟﻤﺮﻳﺦ ﺯﻱ ﺍﻟﺰﻭﻝ ﺍﻟﺒﻤﺸﻲ ﻟﻠﺪﻛﺘﻮﺭ ﺑﻲ ﻛﺮﻋﻴﻨﻮ ..ﻳﻄﻠﻌﻮ ﻣﻨﻮ ﻓﻲ ﻧﻘﺎﻟﺔ . • ﻣﻨﺘﻬﻰ ﻋﺪﻳﻞ ﻛﺪﺍ . • ﻫﻼﻻﺑﻲ ﻋﻨﺪﻭ ﺣﻴﺮﻗﺎﻥ … ﻗﺎﻝ ﻟﻲ ﺍﻟﻈﺎﻫﺮ ﻛﺪﺍ ﻧﺎﺱ ﺍﻟﻤﺮﻳﺦ ﺩﻳﻞ ﻭﻗﺖ ﻭﻗﻌﻮﺍ ﻓﻲ ﻣﺠﻤﻮﻋﺔ ﻛﻠﻬﺎ ‏(ﺟﺰﺍﺋﺮﻳﻴﻦ ‏) ﻗﺎﻟﻮﺍ ﻣﺎ ﻳﺠﺎﻓﺰﻭﺍ ﺑﻲ ﻧﺎﺱ ﺍﻣﻴﺮ ﻛﻤﺎﻝ . • ﻗﺎﻣﻮﺍ ﻋﻤﻠﻮﺍ ﺷﻨﻮ؟ . • ﻗﺎﻣﻮﺍ ﺟﺎﺑﻮﺍ ﻧﺎﺱ ﻋﻤﺮ ﺑﺨﻴﺖ . • ﻋﺎﻭﺯﻳﻦ ﻳﻀﺤﻮﺍ ﺑﻲ ﻋﻤﺮ ﺑﺨﻴﺖ ﺍﻟﻔﺎﻟﺤﻴﻦ . • ﺍﻧﺘﻮﺍ ﻋﺎﺭﻓﻴﻦ؟ . • ﺍﻧﺎ ﺍﻗﻮﻝ ﻟﻴﻜﻢ ﺣﺎﺟﺔ ﻭﺍﺿﺤﺔ ﻭﺻﺮﻳﺤﺔ . • ﻧﺎﺱ ﺍﻟﻬﻼﻝ ﺩﻳﻞ ﻭﻗﺖ ﺷﺎﻓﻮﺍ ﺷﻨﺎﺓ ﻃﺒﻊ ﺍﻟﻤﺮﻳﺨﺎﺏ ..ﻗﺎﻟﻮﺍ ﺍﺣﺴﻦ ﻳﺮﻓﻌﻮﺍ ﺍﻟﻘﺰﺍﺯ . • ﺍﻧﺘﻮﺍ ﻋﺎﺭﻓﻨﻬﻢ ﻋﻤﻠﻮﺍ ﺷﻨﻮ؟ . • ﺟﺎﺑﻮﺍ ﻧﺰﺍﺭ ﺣﺎﻣﺪ ﻭﺍﻋﺎﺩﻭﺍ ﺗﺴﺠﻴﻠﻪ . • ﻭﺟﺎﺑﻮﺍ ﺍﻟﺸﻐﻴﻞ ﻭﺍﻋﺎﺩﻭﺍ ﺗﺴﺠﻴﻠﻪ . • ﺟﺎﺑﻮﺍ ﺳﻴﻒ ﺍﻟﺪﻳﻦ ﻣﺴﺎﻭﻱ ﻭﺍﻋﺎﺩﻭﺍ ﺗﺴﺠﻴﻠﻪ . • ﺩﻳﻞ ﻣﺸﻮﺍ ﺍﺑﻌﺪ ﻣﻦ ﻛﺪﺍ – ﻭﺟﺎﺑﻮﺍ ﻟﻴﻚ ﻋﻢ ‏( ﺷﺒﺸﻪ ‏) ﺫﺍﺗﻮ . • ﺍﻧﺘﻮﺍ ﻣﺎ ﺷﻔﺘﻮﺍ ﻋﻢ ﺷﺒﺸﻪ ﺭﺑﻨﺎ ﻳﺪﻳﻪ ﺍﻟﻌﺎﻓﻴﺔ ﺟﺎﺀ ﻣﻊ ‏( ﻣﺴﺎﻭﻱ ‏) . • ﺍﻟﺠﻤﺎﻋﺔ ﺩﻳﻞ ﻣﺎ ﻣﻀﻤﻮﻧﻴﻦ . • ﻟﻮ ﻟﻘﻮﺍ ﻟﻴﻬﻢ ﻳﻮﻡ ﺯﻳﺎﺩﺓ ﻓﻲ ﺍﻟﺘﺴﺠﻴﻼﺕ – ﻛﺎﻥ ﺳﺠﻠﻮﺍ ﻋﻢ ‏( ﺷﺒﺸﻪ ‏) . • ﺍﻟﻨﺎﺱ ﺩﻳﻞ ﻋﻨﺪﻫﻢ ‏(ﻧﻘﺺ ‏) . • ﻋﻨﺪﻫﻢ ﻣﺸﻜﻠﺔ ﻋﺪﻳﻞ ﻛﺪﺍ . • ﺍﻱ ﺣﺎﺟﺔ ﻓﻲ ﺍﻟﻬﻼﻝ ﺑﺤﻠﻤﻮﺍ ﺑﻴﻬﺎ ﺣﻠﻢ . • ﻋﺸﺎﻥ ﻛﺪﺍ ﻋﻢ ‏( ﺷﺒﺸﻪ ‏) ﻟﻮﻻ ﺍﺧﻼﺻﻪ ﻭﺣﺒﻪ ﻟﻠﻬﻼﻝ ..ﻧﺎﺱ ﺍﻟﻤﺮﻳﺦ ﻛﺎﻥ ﺟﺎﺑﻮﻩ ﺍﻟﻤﺮﻳﺦ . • ﺍﻥ ﺷﺎﺀﺍﻟﻠﻪ ﻳﻘﻌﺪ ﻟﻴﻬﻢ ﻣﻊ ﺍﻟﻤﻌﺰ ﻣﺤﺠﻮﺏ ﻓﻲ ﺍﻟﻜﻨﺒﺔ . • ﺍﺻﻠﻮ ﻣﺎ ﻛﺎﻧﻮﺍ ﺑﺨﻠﻮﻩ . • ﻟﻜﻦ ﺍﻧﺘﻮﺍ ﻳﺎ ﺟﻤﺎﻋﺔ ﺑﺘﺘﺤﻴﺮﻭﺍ ﻣﺎﻟﻜﻢ؟ . • ﺍﻟﺒﺨﻠﻴﻜﻢ ﺗﺴﺘﻐﺮﺑﻮﺍ ﺷﻨﻮ؟ . • ﺍﺫﺍ ﻛﺎﻥ ‏( ﺟﻤﺎﻝ ﺍﻟﻮﺍﻟﻲ ‏) ﺫﺍﺗﻮ ﺟﺎﻳﺒﻨﻮ ﻣﻊ ‏( ﺍﻟﻤﺮﻳﺦ ‏) … ﻏﺮﻳﺒﺔ ﻋﻠﻴﻬﻢ ﻳﺴﺠﻠﻮﺍ ‏( ﻋﻤﺮ ﺑﺨﻴﺖ ‏) . • ﻭ • ‏( ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ‏( ﺍﻟﻨﻔﺲ ‏) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ .. ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ ‏) . • ﺑﺲ ﻋﻤﻠﺘﻮﻫﺎ ﻇﺎﻫﺮﺓ . • ..……… ﻭ • ﻛﻞ ﻳﻮﻡ ﺑﻨﻔﻘﺪ ﻋﺰﻳﺰ . • ﻋﺎﺩﻝ ﻓﻀﻞ …ﺍﺭﻭﻉ ﺍﻫﻞ ﺍﻟﺮﻳﺎﺿﻴﺔ ..104 ﺭﺣﻞ ﺍﻣﺲ ﻓﻲ ﻳﻮﻡ ﺣﺰﻳﻦ . • ﻭﻫﻮ ﺍﻟﺬﻱ ﻟﻢ ﻳﻜﻦ ﻳﻔﺎﺭﻕ ﻣﻜﺎﺗﺐ ﺍﻟﺮﻳﺎﺿﻴﺔ 104 – ﻃﻮﻝ ﺍﻟﻴﻮﻡ ﻛﺎﻥ ﺗﻠﻘﺎﻩ ﻫﻨﺎﻙ . • ﻣﻨﻮ ﺍﻟﺒﻤﺸﻲ 104 .. ﻭﻣﺎ ﺑﻬﺘﻤﻮ ﺑﻴﻪ ﻋﺎﺩﻝ ﻓﻀﻞ . • ﺑﺨﺪﻣﻮ ﺑﻲ ﻧﻔﺴﻮ . • ﻳﺠﻴﺐ ﺍﻟﻘﻬﻮﺓ ﻭﺍﻟﺸﺎﻱ ﻭﺍﻟﻤﻮﻳﺔ ﺍﻟﺒﺎﺭﺩﺓ . • ﻛﺎﻥ ﻳﺠﺴﺪ ﻛﻞ ﺍﻻﺩﺏ – ﻓﻴﻬﺎ ﺍﺧﻼﻕ ﺍﻟﻤﻼﺋﻜﺔ . • ﻣﺜﻠﻪ ﻣﺎ ﻛﺎﻥ ﻟﻬﻢ ﺍﻟﻌﻴﺶ ﻓﻲ ﻫﺬﻩ ﺍﻟﺪﻧﻴﺎ . • ﺍﻟﻠﻬﻢ ﺍﺭﺣﻤﻪ ﻭﺍﻏﻔﺮ ﻟﻪ . • ﻭﻻ ﻛﻠﻤﺔ . • ..……… • ﺍﻟﺴﻴﺪﺓ ‏( ﻝ ‏) ﺍﻟﺤﺰﻥ ﻣﺎ ﺧﻠﻰ ﻟﻴﻨﺎ ﺣﺎﺟﺔ ﻧﺒﻞ ﺑﻴﻬﺎ ﺭﻳﻘﻨﺎ . • ﻭﻗﺮّﺽ ﻋﻠﻰ ﻛﺪﺍ