صبر سقيم
لامح ملامح غضب
باينه على وشك
صبرتى على اغتصب
واللى كمان غشك
شايف الدموع مراسيل
مبعوته من رمشك
طب ليه داريتى الالم
والدود ملا مشك
الصبر بقى مشنقه
لابنك وتاج عرشك
ونفسه يعرف سبب
اخرتى ليه بطشك
والبطش ان له الاوان
للى نهب واللى قتل
واللى كمان لطشك
يحرم عليه النوم
ولا يشوف وشك
انت اللى سيبتى العفن
يقعد على عرشك
راخيه حبال الصبر
حتى الذباب هشك
ماهو ابن بطنك اه
ولاعمره يوم خشك
الا بسيف الخيانه
وامله لو حشك
الصبر ليه بيطول 
على اللى اشترى نعشك
يبعت ولادك فيه
ابنك ماهوش واحشك
البطش ان له الاوان
للى قتل واللى نهب
واللى كمان غشك
يحرم عليه النوم
ولا يشوف وشك
ثعبان وعاش فى الشقوق
وكل يوم نهشك
دمك يسيل مجروح
والدم ملا فرشك
حالف فى يوم ما ينام
الا اذا خدشك
الغدر طبع اللى خان
واللى ما خاف بطشك
عهده مع ابليس
انه يبيع فرشك
الصبر ليه بيطول 
على اللى اشترى نعشك
يبعت ولادك فيه
ابنك ما هوش واحشك
البطش ان له الاوان
للى قتل واللى نهب
واللى كمان لطشك
يحرم عليه النوم
ولا يشوف وشك
فى سوق نخاسة الدول
باعك وباع شرفك
جاسوس وباعك لغيرك
وكل يوم هبشك
والوهم لينا باعوه
فرحان عشان غشك
عصابه حكت بلد
مرشد ومن غشمك
سيتيه يبيع يشترى
فى اللى حمى عرشك
الصبر ليه بيطول 
على اللى اشترى نعشك
يبعت ولادك فيه
ابنك ماهوش واحشك
البطش ان له الاوان
للى قتل واللى نهب
واللى كمان لطشك
يحرم عليه النوم
ولا يشوف وشك