فترة الخطوبة من أجمل فترات العمر ولازم نستمتع بالفترة دى بس طبعا نستمتع بطريقة صحيحة وشرعية علشان ربنا يبارك فى هذا الزواج

علشان كدة فى بعض الامور اللى ممكن البنت تعملها وتقرب لخطيبها من خلالها وتكون سبب للمودة بينهم وكلها امور بسيطة :

1- صلاة الفجر :

ممكن أنتى وخطيبك تتفقوا أنكم تصلوا الفجر كلى يوم ولو حد فيكم مش متعود على أداء صلاة الفجر فى وقتها دى تعتبر فرصة أنكم تشجعوا بعض على الصلاة وطبعا ترضوا بها ربنا يعنى ممكن أنت اول ما تصحى من النوم ترنى عليه ووجود الموبيل سهل حاجات كتير جدا دلوقتى .

2- قيام الليل :

أتفقى أنتى وخطيبك على أنكم تقيموا الليل ولو بركعتين فى وقت واحد وممكن تحددوها مثلا قبل صلاة الفجر بثلث ساعة علشان تكون سهلة شوية .

3 -دعاء الالفة :

إيه رأيك تتفقى أنتى وخطيبك على دعاء معين تدعوا مع بعض فى وقت معين و يمون الدعاء دة أكتر حاجة بتحلموا بيها وليكن مثلا : الله يسر لنا امرنا وبارك لنا فى رزقنا وزوجنا فى أقرب وقت . 

4- لقب :

مع مرور الوقت هتعرفى لقب أو أسم معين خطيبك بيحبه ممكن تلقبيه باللقب ده علشان يحب يسمعه منك على طول وكل ما يجى حد يناديه باللقب ده هيفتكرك على طول .