الشاعر عبد الرحيم منصور من أكبر الشعراء العرب
فقد كتب لعديد من المطربين مثل
محمد منير (حدوته مصريه ،شجر الليمون ، برئ ، بنتولد)
أحمد منير (إتمايلى ، شجر الليمون)
عبد الحليم حافظ (قومى يا مصر)
وغيرهم الكثيرون والكثيرون مثل
عمرو دياب وعايده الشاعر وسميرة سعيد وهانى شاكر وحميد الشاعرى إلخ....

بعتذر للدباجه الطويله دى
بس حبيت أعرفكم مين هو الشاعر العظيم عبد الرحيم منصور
الذى يعد علامة من علامات الأدب والشعر العربى

انا جايبلكم 10 رباعيات من رباعيات
عبد الرحيم منصور أتمنى إنها تعجبكم نبتدى على بركه الله

1- على كل لون الحياه
على كل لون يا بشر
بشر بتخلق حياه
وبشر بتقتل بشر

2- على كل لون الدموع
دموع فرح وأنين
دموع فى غربال سبوع
ودموع في قلب حزين

3- على كل لون العرق
على كل لون السنين
عرق يبيض ورق
وعرق يندي الجبين

4- على كل لون يا خلق
على كل لون تطلعوا
سودتوا لون الحق
وكرهتوا كون ترجعوا

5- جاهل يا طامع فى رمال
عمرك كضلك يفوت
فوق ذكرى حلوه حلال
بدل الضلال والسكوت

6- ياللي غويت الليالي
خايف عليك من حبالها
ليبقى حالك ده حالي
وتدوق حرامها وحلالها

7- دايماً قليل البخت
بلاقي في الكرشه عضمه
لفيت كتير واتملخت
ومشيت بأحزاني هدمه

8- دربك بسيط يا خال
وعيونه زي المرايه
إن طال وأصبح محال
يبقى بداية غنايا

9- البحر يا مراكبي مايل
ولا شراعك خفيف
عمال فى الموج تحايل
والريح فى ضهرك مخيف

10- البر قدام عينك
لو لحظه رايقه تشوفه
في الضيقه ربي شريك
تلقى كفوفك كفوفه