***{ #إنهضوا_يا_عرب }*****

.

من شط خليجنا العربي

لشط مُحيطنا الغربي

بنشوف أجناس بتتصارع

جوة البيت وف الشارع

مابين فاشل وبين بارع

وعدو جاي عشان ضربي

بقينا اخوات بتتعارك

وبتقتل بعض ف معارك

ولو ف السِّلم شاركنا

بنكدب واحنا بنشارك

بنتحالف على اخواتنا

وبتقتل فينا قواتنا

يسيل الدم قُدامنا

ونضعف فينا قوتنا

صراع على صحرا غربية

صراع على قُدس عربية 

وبين السُّنة والشِّعة

صراع ف عراق وسورية

يا أُمة واللّسان واحد

وأصّل عدونا واحد

جاي عشان يشتتنا

صعبان عليه نكون واحد

أتاري عدونا صهيون

مشمْتّ فينا كل الكون

بنحارب بعض بسلاحه

وأرواحنا علينا تْهوّن

فوقوا يا أهل أوطانا

ونِصّلح فينا أعطالنا

نلاقي الفرح قُدامنا

وعُمر الحُزن ما يطولنا

خَلّوا إدينا تكون واحدة

ونرجع تاني للوِحدة

نلاقى الكُل يهاب منا

ويقول دي أُمة متواحدة

يا رب بحق حجيج بيتك

وقلوبنا اللي لبيتك

تعود الوحدة للأُمة

إللي حبيتها وحبيتك

.

أعجبني

مدحت يوسف

 

  • Currently 0/5 Stars.
  • 1 2 3 4 5
0 تصويتات / 35 مشاهدة
نشرت فى 9 ديسمبر 2017 بواسطة azzah1234

عدد زيارات الموقع

149,375