فى حاجات مابتتكرارش
فى العُــــمر بتظهر مرة
لو ظهرت مــاتفرطش
لـ هتبقى نصيبتك حَره
وتعيش ندامان متحسر 
إنك فرطت يا ناصــح
وتحس إن إنت بتخسر
مهما يقــولولك ناجـــح
وتعيش مشروخ من جوا
حاسس بضياع وحزين
تخرج من صهد لـ نوه
تتقلب علي الجــانبين
وان راحت تبقى للغيرك
ماهى كانت اصلا ليـك
والنوم يهرب ويسيبك
للّيل يتسلى عليــك
والفرحة تمر حزينه
والحزن عليل سكران
لو تدخل مرة جنينه
تتحاصر بالجــدران
وتعيش مخنوق ومقريف
والخنقة لـ خنقة تخــلف 
علي كده تفضل متكتف
كلك منــك قلقان 
فإن كانت فرصة إخــطفها
ماتقولش خلاص بظروفها
دي الحاجه اللي بنعــرفها 
احسن من غيب بهتان
#عادل_عوف