قسيت ياقلب بجد .
لما انكسر عودك ..
ونزفت الدمع كتير .
وكرهت حتي وجودك ..
ماهو انت ياقلب غلطت .
وعديت كده حدودك ..
ازاي تعشق قمر .؟
هو القمر دا توبك ..
النظره منه دوا .
بس مش توبك ..

ارجع ياقلب برئ .
وعد لاوطانك ..
واوعي تبص لفوق .
وارمي احزانك ..
واصبر لعله خير .
ولملم اركانك ..
يمكن يوم تلاقي .
من يمسح دمعتك .
ويسكن في وجدانك ..
......................
اصلي عانيت بجد .
واتغدر كده بيا ..
ماانا سرحت بعيد .
وعشقت جنيه ..
الوجه فلقه قمر .
والخدود ورديه ..
لاعمري هكون لها .
ولا كانت يوم ليا ..

لكن .انا وبصدق .
راجع صافي . برئ ..
عايش لكلمه حق .
بصوت عالي .جرئ ..
لا هكون يوم قاسي .
ولاحزن يملاني ..
وبكل قوه وعزم .
راجع لاوطاني ..
ساجد لرب الكون .
والمولي يرعاني ..
المولي يرعاني ..
فتحي وجيه