- فيه اللى ما هو من دمى ولا تربطنى بيه قبيله..

ولابن خالى ولابن عمى لكن كى نزعل نشكيله..

ديما شاقى شايل همى درته بين الناس عزيله ..

مافى يوم ايخيب ظنى انكمل عمرى ونا وافيله..

لأجل هو فارس ومسمى لانبيعه لا ندير بديله ..

فى غيابى ماهو متهنى يفرح كى بروحى نمشيله ..

انغيب أيام ونقطع حنى مع النجم ايدز مراسيله ..

لاخان ولا يوم ظلمنى ولا فى صوب معاه ضليله ..

ولابالعيب عزيز غدرنى ولا فى الكون هناك مثيله ..

وسلامتكم...