(جسر نار)
.......................................................................
جِسْرِك اللي مَدِّتِيه
ف شوارع قلبي باقي
مِنُّه تُرْبَة رَمْلَّه لسه
كَاتْبَّه هي حروف فراقي
قَايْلَّه إنك بنت غاويه
تجرحي القلب اللي حبك
لسه ع البقيه ناويه
والقسا عنوان ف قلبك
وف حياتي فيش بقيه
غير بقايا لْ النصوص
وجِسْرِّك ب رَمْلَّه شقيه
بَعْدِّك اي حب يغوص
وغير حروف الحب إللي
كنتي كاتباها بِ دمي
اللي باقي منه مِلِّي
وعضمتين والباقي مَرْمٍّي
سِنِّي منهم وابْرِّي قلمك
واكتبي ب دمي النهايه
وَزَعِّيلي كُل ألمك
وابقي احكيلهم روايه
قولي ليهم كُنت قاَصْدَّه
ادخل ف قلبه واسيبه
فارده جِسْرِّي ليه وِرَاصْدَّه
الخداع الْ كان نصيبه
بَ أكْرَّه الجِنْس الذُكُوري
ولازم اَلَعَّب ع الشناكل
كُل واحد قاللي غوري
ناويه اضيفه للهياكل
يبقى هيكل او بقايا
ذِكْرى دي معالمها ضاعت
ويبقى للي حَبُّوا آيه
وابقى اول واحده باعت
وبيعها بيه حبة جنون
جنسنا ما بقاش ضعيف
وقلبنا لسه حنون
كيدنا بس مش لطيف
الذكوره ف مجتمعنا
إنك تهين البنات
لا ياسيدي إحنا بعنا
أي ضِل لْ حيطه بات
سُتْرَّه للي دموع عيونها
غَرَّقَت توب الرجوله
الحياه بقيت ديونها
تدفعه البنت الخجوله
اللي أجمل حق ضاع
كان ك أول امنياتها
شاريه قلب لكنه باع
كرهت الأنثى حياتها
اقلبي الكِدْب وقوليلهم
إن جِسْرِّك جِسْر نار
دَاخْلَّه قلبي واوصفيلهم
كُل خطوه ف الدمار
اللي كان عقلك بِ يخَطَّط
ليه ف اول يوم دخولك
لَمَّا كَفِّك جِه يِخَبَّط
كنت اولهم عزولك
وانتقامك للأنوثه
بالغرور يمحي الذكوره
افعى وف صورة عروسه
هو لازم نبقى كوره!!!!
تقطعي بيه الشباك
طاب وليه انا ابقى هَدَفِك؟؟
بعد ما قلتي هواك
هو اصلاً دا اللي حَدَفِك
كان كلامك كُله زِيف
ع الجراح فَارْدَه جُسُورك
لَمَّا زَوِّدْتي النزيف
ب وهم حُبِّك كات قُصُورك
ف حارات قلبي الحزينه
قولي إني قلبي هام
ف قلبك انتي ابن اللذين
اللي كان غاوي انتقام
وكان آماله اني اموت
ضحكة الغدر ف ملامحك
قلتهالك بأعلى صوت
رووحي بردو مش مسامحك

#محمد