قصيدة ( أقول أزاى )
الشاعر عاطف عمر

** أقول أزاى .
أقول أزاى .
وأنا قلبي.
دايب فيكى.

** أقول أزاى .
بموت فيكى .
وبفرح لما ألاقيكى
وحافظ كل ألحانك وأغانيكى.

** أنا......
أنا مش ممكن أنساكى .
وبهواكي .
ولا أنسي البسمه لشفاكي 
ولا انسي الضحكه فى عينيكى.

** أنا متغير...أنا فضولي .
ولكنى بحس أنا بدورى.
وبكلامك...بيتغير بقا حالي.
ومش بحفظ أنا كلامي .
ولا كيانى.
بغني حاجات بعيد عن كل ألحاني.
أنا بشكى.
وأيه ع الشكوى يغصبني .
وأنا المجاني.
وأنا المغلوب على أمري.
ولا عمري ف يوم أبداً أكون جاني .

ولو حتى بقا تسافري .
هأعيش العمر ....لو ....واحدى.
ولا عايز حد ينصفني .
وكفايه عليه موالي.

كتير كدا ليه...وأيه يعنى.
أعيش كام يوم تدلعني .
وغنيلك وتسمعني .
ولا انساك ....وتنساني.

وأقول أزاى .
وانا قلبي دايب فيكى.
وأقول ازاى بموت فيكى.
وبفرح لما ألاقيكى.
@@@@@@