الهجر والرحيل
=========
حبيته وبعشقه شغلنى
وهويته وبروحه اسرنى
وحلمت يبقى قريب منى
ورسايله كانت تشاغلنى
وكنا بنرسم فى الاحلام
على شط جنة وبحر رمال
والحب صار مضرب امثال
واصحابى غاروا منى كمان
ده حبيبى مطرب حلو وجان
وكان يقول لى انى امال
وحبى هو بر امان
ويغنى فيا اغانى وموال
واشعار تولع بالدخان
واحاسيس جميلة ويا هيام
بالحب وجمال الألحان 
والعشق صار احلى الايام
واحاديث هوى مليانة فى حنان 
وفجأة تنقلب الاحوال
والفتنة بينا صارت فى الحال
يقولوا له انى قلت وقال
بهدف بعاده عنى اميال
وتصيب فى مقتل مع الايام
ويحققوا كل الاحلام
اقول حبيبى يقول يا سلام
دى سيرتى صارت نوجة بلبان
اشاعات وكاذبة بغيرة تمام
صدقها برعونة وبجنان
واحلف واقول كلها اوهام
يبعد بشدة سنين وأيام 
وحاولت اصلح لكنه محال
وبكيت بدمعى فى كل مكان
وشمتوا فيا اصحاب اندال
وقالوا سابنى حبيبى وخان
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
جمهورية مصر العربية