****{ مكتوبلى اشوفك }*****
.
أنا مكتوبلى اشوفك
واشوف الدنيا بين كفك
أكون تنهيدة من خوفك
أو حتى دمية على رفك
أعشق سحر عنيكى السود
واحلم المس تخوم قدك
أكون بعيد لكن موجود
لابس توب على قدك
أنا عارفك... أنا شايفك
أنا حسك بأنفاسى
أنا لمسك بإحساسى
وعلى برك كمان راسى
لإنك بجد مش بهزار
لا حفتش عليكى بالمندل
ولا اقربلك بدقة زار
ولا حسيبك تفارقينى
ولا حلتمس لك الأعذار
أنا قلبى بقى جامد
ولا عمرى ف مرة حخاف
خلاص قررت أوصلك
بدون مندل ولا عراف
لا حدور عليكى ف الفنجان
ولا يرهبنى حتى الجان
والسكة لقلبك مرسومة
ومكتوبة على جبينى
لإنك ف قلبى موشومة
وإنك كمان تحبينى
عرفتى ازاى انا عارفك
.
.
بقلم
مدحت يوسف
.
#مدحت_يوسف
أعجبنيأعجبنيأحببتههاهاهاواااوأحزننيأغضبني
