وغيري ألاقيه متهني
ومزقطط بيغني
يادنيا فى وشي مكشرة
وفى وشه الضحكة مكركرة
وتجيلي بطلوع الروح
وتجيله بيضة مقشره
ليه تملي تحليلوا فى بقو
وفي بقي تملي ممرره
إديني حتة سكرة
أو أروحايه ملبسه
توريني في ليله مشبرة
طريقي المرصوف بالآسى
ولا انتي غاويه تعانديني
أديلك إيدي تعضيني
خليكي فى مرة كويسة
يادنيا هاوديني وهدي
لاتعضي فى إيدي ولا تصدي
من فضلك خليني أعدي
ياللي في وشي متربسة
تنفك العقدة وتنحل
واتعزز من بعد الذل
فايقة يادنيا وفهماني
ولا انتي يادنيا مهيسة
بقلم طارق السيد
