من ورا الشباك
وقفت ورا الشباك
بصت عيوني عليه
عدت فضا الشارع
ترمي شعاع مجنون
علي بيت حبيبي
تبص ع الشرفة
بنظرة المفتون
اظفر بنظرةعين
او حتي تنهيده
او بسمة حلوه
او شاره من ايده
او بسمه من شفته
طابع الحسن ف خدوده
بصيت من الشباك
لقيته واقف هناك
ف الشباك بيتملي
فتحت انا الشباك
ووقفت انا استني
يمكن يبص هنا
زي ما باتمني
سمعت صوت ف السما
صوت رعد بيتجني
كان نفسي اصرخ
واقول للرعد يستني
يمكن بنظرة حبيبي
قلبي يسعد ويتهني
بصت عيونه للسما
مش ها اتكلمه عنا
عينه هناك مش هنا
وانا قلت له استني
عطر بترشه السما
وقلبي بيك بيتغني
دقاته بيقولك همسها
انا معاك راح اتهنا
غمز بعينه وانصرف
قفل شباكه وما استني
كان نفسي اقول لك
ليه ع الحب بتتجني
