قصيدة (( اعشق قمر وأسرق جمل))
الشاعر عاطف عمر

أنت مشاعرك ..بتكذب ......زى قلبك.
قولى ليه خلتينى أحبك.
بعد ما ذوقت أحلى شهد.....من شفايفك
أحس المرار.......لو جيبت حتى.....سيرتك.

هى دى كانت طبيعتك....تبعد براحتك.
الله عليك....أتقنت دورك....أعتبرنى حسن ظنك.
هفكرك فى يوم ما ترجع...أنى مش ممكن أخونك.
وأنى دايما كنت لك...شئ أقربلك.... من جذورك.
بعد حلفان اليمين...أصون عهودك.
طبعا أكيد.......
طبعا أكيد الورده ذبلت...بعد ما رويتها بدموعك.

أبتديت ساعة بس.......أفكر فى بالي.
طبعا دا ما كنش حالي.
أنا كنت.....
كنت كل يوم بحال...كنت أحب كل يوم ...وأسأل نفسي ميت سؤال
كل زهره...ليه لون...ليه شكل.
والزهور لا تتشابهه ....بس فى جمال.

أبتديت اعرف معاك طعم الحلال.
وأبتديت ابعد عيونى عن الضلال.
شوفت فى حبك نضال.
زى شئ كان بعيد عن....المنال.
آقترب مني......الآمل.
أن عشقت أعشق قمر....وأسرق جمل.
بعدها راح الفرح......واللى توقعته حصل.
لحظه واحده....والفراق بينا وصل.

انت مشاعرك ....بتكذب.....زى قلبك.
قولى ليه خليتنى أحبك....
الشاعر عاطف عمر