شيلت من الهم كفايتك .
طب خدت من الفرحه منابك ؟
النص الفاضى فى كوبايتك
الباقى بعد التانى ما سابك
اعصابك هربت من جسمك
او صابك حب,نسيت اسمك
ورموك فى الجب
طلعت برئ
مانتاش كما يوسف او صديق
او واصل بيك حالك للزهد
يمكن فعلا محتاج تزهد
لكن ازاى (محتاج تزهد)
وعشان تزهد ..لا يجوز تحتاج
وانتا من الحاجه لا لاقى علاج
ولا عارف حتى بدونها تعيش
عجوز فى صباه,ميت على قيد الحياه
يا حاجه مش جايه من غير اه
ارجوكى ماتجيش
انا اسف خانى التعبير
لا لازم تيجى انا مستنى
سامحينى ان كان غصبا عنى
قولت كلام اكبر منى وانا مش قده
انا جى اندد بكلامى
انا عامل ثابت قدامى
ومرايتى بتضحك ,كاشفانى
انا فعلا من جوا بعانى
من حاجه شاريها وبايعانى
ماللحظه خلاص عايزك ماتجيش
وانا هامشى ومش راجع تانى
انا هامشى ومش راجع تانى
ahmedabdellatee#f
