علمونا في مدرستكم
الشاعر محمد ضباشه
----------------
علمونا في مدرستكم
نقف نحيي العلم
(أن كان فيه أصلا علم]
وعلمونا في الكتب
كيف نبصم بالقلم
ونحفر الكلمة في دماغنا
كأي حاجة بتترسم
تلغي عقولنا
وتهز طولنا
نعشق خبلنا
أه أي حاجة يا محترم
علمونا ما فيش نقاش
والأساتذة علي المعاش
يعني يجي أو مجاش
ما عندناش حاجة ببلاش
في المدرسة
لا خد وهات
جوه الحلل العلم شاط
والفكر مات
ومن سكات يحيا الندم
علمونا نيجي المدرسة
بمكنسة ننضف بيها الفصول
بدل الطابور
ولف دور
يا ناس تغور
من غير نعم
ولو قرارها بين أيدينا
علي مشانقنا لتتعدم
علمونا في المدرسة
أن الشهادة هتفيد بأيه
ويا بنتي روحي أتجوزي
قرفانه ليه
ولا فيه بأيه
ولا فيه لأيه
ولا حتي فيه في بلدنا
حد بقي خايف عليه
تعليمنا جناحه أتكسر
بين الولاد خايف يطير
لا عقله قادر ينصفه
ولا خطوته قادرة تسير
ولا عاد يشق المستحيل
بقي نورن
من الوزن التقيل
علمونا أن الدروس الخصوصية
هي النجاة
فماتقولش لا
وتبقي أه خراب بيوت
المهم أنجح وأفوت
وما يهم قوت
يعني الخلاصة يا سيدي
العلم بقي رحلة سكوت
رحلة كراسي علي القهاوي
أن كنت غاوي
ولا ناوي تبقي حاوي
علي حبلهم تتنطط
تمام زي القرود
