زينب سالم
كل حب و انت طيب
كلمات / زينب سالم
ياما رخصتي يا كلمة حب
قالها كل من هب و دب
اتقالت من برة القلب
اتهانت و اتعرضت للنهب
يا خسارة عليك يا قلب
يا نبض تاه ورا كل كلب
بس هأقول ايه المعنى انكب
كل حب و انت طيب
كل قلب انجرح و ما طيب
و الاطبا و لا هتطبب
ما دام الاخلاص ماهو قريب
كل حب و انت طيب
خلاص المعنى كمان اتعيب
كان زمااااااااان كان طيب
قلوبنا جرى لها ايه
اتغربت برانا و ألا إيه
يا ألف خسارة عليه
حتى القلب هان و مش هألاقيه
كل حب و انت طيب
كل اتنين تالتهم شيطان
و الحب جرجروه و غرقان
في كل كلامهم التعبان
لا و بيشقو يألفو و أحيان
يحلفوا بالغالي و هو عرقان
و الناس قال بتصدق الندمان
يا ألف خسارة عالجدعان
كل حب و انت طيب
خلاص يا قلب ماعاد في حب
خلاص ما تصدق أي ضب
كل الحكاية كام كام كلمة حب
و بعدها يزوغ و كإنه دب
و بعدها المعنى يطب
و نندم عمرنا و لا نصدق شب
لان الخسارة وجع القلب
و كل حب و انت طيب
كلماتي / زينب سالم
