* بكره خيرك يامصر جاى ***
بكره جاى بشمس تانيه
بكره خيرك يامصر جاى
ونشكره فى كل ثانيه
ونقول يابلدى الله حى
بكره خيرك يامصر جاى
بكره تتبدل خطاوى
بكره نرويكى حكاوى
والقمر يملا سماكى
ونشوف فى كل شبر ضى
بكره خيرك يامصر جاى
تكره تتحرك سواعد
دول شبابك أصله واعد
بكره ننهض بيكى تانى
ويخرجوا من كل حى
بكره خيرك يامصر جاى
بكره ع الكتف يشيلوكى
والأعادى يحسدوكى
دول ولادك طيبين
فى العالم مالهمشى زى
بكره خيرك يامصر جاى
====================
الشاعر عيسى عبد الرؤوف
