بقلمي / محمد البنا
حب سكينة
نظرة عينك مش عجباني
تقدري تمشي
بس لعلمك يوم ما هتمشي
ما تاجيش تاني
هأقفل صفحة
وأفتح صفحة جديدة جديدة
وأحرق كل رسايلك ليّا
وأمحي بدمي
كلمة جاية ...من وجداني
رايحة وبس
وأكتب عنك على دبشاتي
إنك أمس
وأطحن يدي في حجر داير
يمكن يمحي آهات اللمس
وأكنس طيفك من خيالاتي
أكنسهُ كنس
ياااااااه يا سكينة
كلمة ماشية برّه شفافك
دقه ف قلبي
مغروزة غرز
ريحة يدك على خلاجاتي
بتهمس همس
يجي إخواتي
عيب يا محمد
وياراجل إجمد
ده أنت صعيدي
همّل همّك
حط ف قلبك كومة دبش
يعني أكدّب نفسي بنفسي !!
ويقولوا عايش واني ما عايشّي
تبقى الناس كلها شايفاني
على رجليّا
وآني شايفها كومين من قش
أبقى ساعتها بجد صعيدي !
وقلبي يكون مخلوق من دبش !
كيف يا سكينة ؟
وحب سكينة حشّني حش
تقدري تمشي
بس يا شيخة أمانة عليكي
لو سألوكي
قولي ما متش
ده قفل صفحة وفتح صفحة
جديدة ... جديدة
