دويتو الأدباتى
أنا الأديب الأدباتى
بجري علي رزقي يوماتي
وبأسن سنانى..ونباتى
ع اللى يسرق أوطانى
واللى سقانى برانى
واللى رمانى ف أحزانى
أتقلب..وحده ف أناتى
.......................................
أنا الأديب...الأدباتى
أنا الأديب المتفنط
ماسك لجامى ومزبط
نشان كلامى ومخطط
جوه خيالى..بأتنطط
بالمازورة...تخطيطى
وأنا الأديب..الأُدباتى
...................................
أنا الأديب اللى ما فلس
ما دام ..رغيفى متغمس
بفول حراتى ومدمس
تغطى الدنيا ضحكاتى
وأنا الأديب.. الأُدباتى
.....................................
أنا الأديب المتأدب
بفن فنى..وبرتب
أى منعكش ومكركب
لا موجه تركب على مركب
ولا جهلى يكسر إشراتى
و أنا الأديب ..الأدباتى
تحياتي / خالدالمنصوري

تعليق